ករណីបាញ់រះមួយបានកើតឡើងនៅសាលាមធ្យមសិក្សា Great Mills នៃរដ្ឋ Maryland អាមេរិក នៅថ្ងៃ ២០ មីនា បណ្តាលឲ្យមនុស្ស៣នាក់ រងរបួសធ្ងន់។
សារព័ត៌មាន AFP បានដកសម្តីរបស់ប៉ូលិសឲ្យដឹងថា មានមនុស្ស ២នាក់ នៅក្នុងសាលារួមជាមួយជនវាយប្រហារ បានរងរបួសធ្ងន់ ហើយអ្នកទាំង ៣ កំពុងស្ថិតក្នុងស្ថានភាពគ្រោះថ្នាក់ដល់ជីវិត។ សិស្សឈ្មោះ Jonathan Freese បានឲ្យដឹងថា ៖ ហេតុការណ៍បានកើតឡើងយ៉ាងលឿនបន្ទាប់ពីម៉ោងរៀនចាប់ផ្តើម។ ប៉ូលិសបានទៅដល់ភ្លាម និងមានប្រតិកម្មយ៉ាងរហ័ស។ Freese ឲ្យដឹងបន្ថែមថា ប៉ូលិសបានឆែកឆេរគ្រប់ន្ទប់រៀនទាំងអស់។
តាមព័ត៌មានលើគេហទំព័ររបស់សាលានៅមណ្ឌល St. Mary’s County ដែលជាសាលារៀនរដ្ឋនេះ កងកម្លាំងសន្តិសុខកំពុងបានឡោមព័ទ្ធសាលា Great Mills ហើយត្រួតត្រាស្ថានការណ៍ទាំងស្រុង។
ឆ្លើយតបនឹងបទសម្ភាសន៍របស់ MSNBC នាយប៉ូលិសប្រចាំមណ្ឌលនោះ ឲ្យដឹងថា ខ្មាន់កាំភ្លើងគឺជាសិស្សម្នាក់។ មុខសញ្ញានេះ បានបាញ់ទៅលើសិស្សប្រុសម្នាក់ និងសិស្សស្រីម្នាក់ មុនពេលចាប់ផ្តើមម៉ោងសិស្សា ហើយកងសន្តិសុខរបស់សាលាបានបាញ់ជនល្មើសឲ្យរងរបួសធ្ងន់។
ចំណែកឯសិស្សដទៃ ត្រូវបានជម្លៀសទៅកាន់សាលាផ្សេងនៅក្បែរនោះ។
បច្ចុប្បន្នយើងពុំទាន់ដឹងពីបំណងនៃការផ្ទុះអាវុធនៅឡើយទេ៕ សូយន
