នៅថ្ងៃទី ២០ ខែមីនា ម្សិលមិញនេះ គណៈកម្មការប្រឆាំងអំពើពុករលួយសាធារណៈ ក្នុង (PACC) បានប្រកាសថា គេកំពុងស៊ើបអង្កេតករណីកិបកេងប្រាក់ឧបត្ថម្ភរបស់រដ្ឋដល់អ្នកក្រីក្រអស់ប្រមាណ ៨៥% ។
នាយករដ្ឋមន្ត្រីថៃ ចាន់អូចារ
អគ្គលេខារបស់ PACC Korntip Daroj ឲ្យដឹងថា PACC បានរកឃើញសញ្ញាមិនប្រក្រតីទាក់ទងដល់ទឹកប្រាក់ ១០០លានបាត (ប្រមាណ ៣,២លានដុល្លារ) ដែលជាប្រាក់រដ្ឋឧបត្ថម្ភសម្រាប់ក្រុមមនុស្សមានចំណូលទាប។
គណៈកម្មការខាងលើបានបើកការស៊ើបអង្កេត និងរកឃើញភស្តុតាងកិបកេងនៅខេត្តចំនួន ៤៩ ក្នុងចំណោមខេត្តទាំង ៧៦ របស់ថៃ។
មូលនិធិខាងលើគឺជាការគាំទ្ររបស់រដ្ឋដោយផ្ទាល់ចំពោះមុខសញ្ញាចាំបាច់ត្រូវជួយសង្គ្រោះ ហើយមានកម្រិតអតិប្បរមា គឺ ៣.០០០បាត សម្រាប់មនុស្សម្នាក់ (ប្រមាណ ១០០ដុល្លារ) ។
នាយករដ្ឋមន្ត្រីថៃ Prayuth Chan-ocha ទាមទារឲ្យមានការស៊ើបអង្កេតទាំងស្រុងលើបុគ្គលដែលទទួលបន្ទុកកិច្ចការនេះ។ តាមដឹងជនកេងប្រវ័ញ្ចទាំងនោះបានប្រើប្រាស់អត្តសញ្ញាណប័ណ្ណក្លែងក្លាយក្នុងការកិបកេងយកប្រាក់ជំនួយទាំងនោះ៕ សូយន
