ភ្នំពេញ ៖ លោកសាយ សំអាល់រដ្ឋមន្ត្រីក្រសួងបរិស្ថាន នៅថ្ងៃទី២០ ខែមីនា ឆ្នាំ២០១៨នេះ បានអនុញ្ញាតឱ្យលោក ចូណាថាន់ អ៊ីមស៍ នាយកប្រតិបត្តិ ក្រុមហ៊ុនរ៉ាហ្ស៊ីង ហ្វីនិក ខូ អិលធីឌី បានចូលជួប និងពិភាក្សាស្តីពីការកសាងឡើងវិញ នូវតំបន់សៀមប៉ាងខាងលិច ក្នុងខេត្តស្ទឹងត្រែង។
ក្នុងនោះ លោកនាយកប្រតិបត្តិ បានស្នើសុំកិច្ចសហការពីក្រសួងបរិស្ថាន លើការកសាងឡើងវិញ នៅតំបន់ធម្មជាតិសៀមប៉ាងខាងលិច ទាំងបច្ចេកទេស និងមតិយោបល់។
ទន្ទឹមនឹងនោះ លោក រដ្ឋមន្ត្រី បានស្វាគមន៍ចំពោះគំនិតថែរក្សា និងចង់បង្កើតតំបន់ធម្មជាតិឡើងវិញនេះដែលនឹងបង្កើតជាតំបន់ទេសចរណ៍ធម្មជាតិដើម្បីរក្សាកំណើនសេដ្ឋកិច្ចនៅមូលដ្ឋានផ្ទាល់ក្នុងទិសដៅពង្រឹងភាពរីកចម្រើនរបស់ប្រជាពលរដ្ឋ។ ទន្ទឹមនឹងនេះ លោករដ្ឋមន្ត្រីក្រសួងបរិស្ថាន បានជំរុញឱ្យក្រុមហ៊ុនចំណាយពេលវេលាសិក្សាឱ្យបានច្បាស់លាស់ដើម្បីធានាការអភិវឌ្ឍន៍បែកទេសចរណ៍ធម្មជាតិ៕ ដោយ៖បញ្ញាស័ក្តិ