ប៉ូលីសនៅក្នុងស្រុក Phanat Nikhom បានកោះហៅបុរសម្នាក់ ដែលត្រូវបានចោទប្រកាន់វាយក្មេងប្រុស Hmong ២ នាក់ ជាមួយនឹងរំពាត់ និងចងពួកគេផ្អោបនឹងគល់ឈើដ៏ធំមួយ ដើម្បីសួរចម្លើយ… ។
មន្ត្រីស៊ើបអង្កេតឈ្មោះ Issara Arokha ដែលបានទាក់ទងទៅប៉ូលីសស្រុក Phanat Nikhom នៅក្នុងខេត្ត Chon Buri បាននិយាយថា គាត់ជឿថា បុរសឈ្មោះ Panchat Chawanthanakiart នឹងមិនរត់ទៅណានោះទេ ព្រោះគាត់មានទីលំនៅអចិន្ត្រៃយ៍នៅក្នុង Tambon Nong Hong, ស្រុក Pan Thong នៃខេត្ត Chon Buri ។
ប៉ុន្តែ គាត់និយាយថា ប្រសិនជនសង្ស័យត្រូវបានចេញដីកាចាប់ខ្លួនចំនួន ២ លើកហើយ តែនៅតែពុំព្រមចូលខ្លួនមកបំភ្លឺទេ នោះដីកាចាប់ខ្លួននឹងត្រូវអនុវត្តទៅលើលោក Phanat និងប្រពន្ធរបស់គាត់តែម្តង ដែលត្រូវបានវាយក្មេងប្រុស Hmong ២ នាក់ ស្ថិតនៅក្នុងបរិវេណវត្ត Thung Hiang , Tambon Mon Nang ដោយប្រើរំពាត់ និងចងពួកគេផ្អោបនឹងគល់ឈើ ដើម្បីទុកជាគំរូមួយ សម្រាប់ក្មេងៗដទៃទៀតនៅក្នុងសហគមន៍ មិនត្រូវមានដៃមានជើងលួចរបស់ទ្រព្យពីអ្នកដទៃតទៅទៀត ។
សូមបញ្ជាក់ថា ក្មេងប្រុសរងគ្រោះ២នាក់នោះ ដែលត្រូវបានប្តីប្រពន្ធខាងលើចោទប្រកាន់លួចលុយរបស់ពួកគេចំនួន ២០០ បាត (៦ ដុល្លារ) ត្រូវបានបញ្ជូនទៅកាន់ទីជ្រកកោនកុមារមួយកន្លែង នៅក្នុងស្រុក Phanat Nikhom ដើម្បីស្តារនីតិសម្បទា ។
ពួកអ្នកភូមិបាននាំគ្នាទៅកាន់វត្តខាងលើនេះ ដើម្បីធ្វើការប្រឆាំងទៅនឹងទង្វើដាក់ទារុណកម្មដ៏សាហាវរបស់ប្តីប្រពន្ធនេះ និងទាមទារឲ្យត្រូវបានបណ្តេញចេញពីក្នុងសហគមន៍ ។
ប្តីប្រពន្ធនេះ ដំបូង ត្រូវបានចោទប្រកាន់ពីបទប្រើអំពើហិង្សា និងឃុំខ្លួនមនុស្សដោយខុសច្បាប់ ៕ ចន្ទី
