ភ្នំពេញ ៖ ស្ដ្រីម្នាក់ ត្រូវបានប្តីធ្វើទារុណកម្មផ្លូវភេទ ដោយអារប្រដាប់ភេទយកទៅឆាឲ្យខ្លួនស៊ី និងថតវីដេអូពេលរួមរ័ក ទ្រាំលែងបាន ក៏បានរត់ទៅប្ដឹងសមត្ថកិច្ចឱ្យចាប់ខ្លួន។
សមត្ថកិច្ចខណ្ឌពោធិ៍សែនជ័យ ក្រោមបញ្ជាពីលោកហែម ដារិទ្ធិអភិបាលខណ្ឌពោធិ៍សែនជ័យ បានរំដោះស្ត្រីរងគ្រោះ ចេញពីផ្ទះ នៅចំណុចផ្ទះជួលបន្ទប់លេខ៦ ក្នុងសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ផ្លូវ២០០៤។ ស្ត្រីរងគ្រោះឈ្មោះឡាយ វិល័យ អាយុ៣០ឆ្នាំ និងប្តីជាជនសង្ស័យឈ្មោះ នឹម ឈីន អាយុ៣៦ឆ្នាំ ។ ស្ត្រីរងគ្រោះត្រូវបាន មកទីសុវត្ថិភាព នៅទីបញ្ជាការកងរាជអាវុធហត្ថខណ្ឌ ។
ស្ត្រីរងគ្រោះ បាននិយាយថា ដោយសារតែស៊ូទ្រាំនិងទង្វើយង់ឃ្នងរបស់ប្តីឥតខាន់ស្លាមិនបាន ពីព្រោះពី១ថ្ងៃទៅ១ថ្ងៃ ប្តីឃោរឃៅនេះបានបង្ខំនាងរួមរ័កម្តងៗ តែងតែថតជាវីដេអូឃ្លីបទុកក្នុងទូរស័ព្ទ ដោយប្រើក្បាច់នេះ ក្បាច់នោះ ធ្វើអីចេះធ្វើអីចុះ ហើយពេលខ្លះយុកឡាមមកអារប្រដាប់ភេទ ឲ្យហូរឈាម និងនៅពេលរួមរ័កម្តងៗ។ នាងបានបន្តថា ដោយអត់ទ្រាំនឹងទង្វើរបស់ប្តីចិត្តឃោរឃៅមិនបាន ក៏បង្ខំចិត្តប្តឹងសមត្ថកិច្ចឲ្យចាប់ខ្លួនតែម្តង។
ស្ត្រីរងគ្រោះបានបញ្ជាក់បន្ថែមថា “ប្ដីឥតខាន់ស្លានេះ បានបង្ខំឱ្យនាងអារប្រដាប់ភេទរបស់នាង យកទៅឆាឱ្យគេស៊ី ប៉ុន្តែដោយសារតែខ្លួនមិនហ៊ាន ទើបអាចត្រឹមយកឡាមអារខាងក្រៅបន្ដិចៗឱ្យចេញឈាមប៉ុណ្ណោះ ដើម្បីឲ្យគេអស់ចិត្ត”៕ ដោយ ៖ បញ្ញាស័ក្តិ