វីដេអូដ៏រន្ធត់មួយ ដែលទើបត្រូវបានចែករំលែកនៅលើបណ្តាញសង្គម ថ្មីៗនេះ បានបង្ហាញឲ្យឃើញបុរសជាច្រើននាក់ បានបង្ខំគូស្នេហ៍ពុំទាន់រៀបការ១គូ នៅក្នុង Tangerrang ស្រាត មុនពេលបណ្តើរពួកគេតាមដងផ្លូវ ដើម្បីដាក់ទណ្ឌកម្ម ចំពោះ «ទង្វើអសីលធម៌» ត្រូវបានចោទប្រកាន់របស់ពួកគេ បានរីករាលដាលនៅលើបណ្តាញសង្គមឥណ្ឌូនេស៊ី ។
បុរសម្នាក់ក្នុងចំណោមបក្ខពួកចំនួន ៥ នាក់ ត្រូវបានប៉ូលីចាប់ខ្លួន ចំពោះទង្វើដ៏សាហាវរបស់ពួកគេ មកលើគូស្នេហ៍នោះ កាលពីថ្ងៃទី១១ ខែវិច្ឆិកា ឆ្នាំ២០១៧ និងត្រូវបានចោទប្រកាន់ពីបទបំពានច្បាប់អាសអាភាស របស់ឥណ្ឌូនេស៊ី ចំពោះការថតវីដេអូបញ្ចេញកេរ្តិ៍ខ្មាសរបស់គូស្នេហ៍នេះ ។ បុរសទាំងនេះនឹងប្រឈមជាប់ពន្ធនាគារចំនួន ៧ ឆ្នាំ ។
ហេតុការណ៍នេះបានកើតឡើងនៅថ្ងៃទី១១ ខែវិច្ឆិកា នៅពេលដែលមនុស្សជាអ្នកជិតខាង បានឃើញជនរងគ្រោះប្រុស បានចូលទៅក្នុងផ្ទះនារីរងគ្រោះ ។ យោងតាមប៉ូលីស បុរសនោះគ្រាន់តែយកចំណីអាហារ ទៅកាន់ផ្ទះគូដណ្តឹងរបស់គាត់ប៉ុណ្ណោះ មុនពេលបុរស១ក្រុមនេះបានឆ្មក់ចូល និងបង្ខំឲ្យពួកគេនិយាយថា ពួកគេកំពុងរួមរស់ជាមួយគ្នាយ៉ាងស្និទ្ធស្នាលបំផុត ។
ពួកបិសាចទាំងនោះ បន្ទាប់មកបានបង្ខំបុរសនោះស្រាតននលគក និងនារីជាគូដណ្តឹងរបស់គាត់ ពាក់អាវខៀវគ្រប់ត្រឹមភ្លៅ និងបន្ទាប់មក បង្ខំពួកគេដើរយ៉ាងអាម៉ាសតាមដងផ្លូវ ។ ប៉ូលីសនិយាយថា ពួកបុរសទាំងនោះបានថតវីដេអូពីសកម្មភាពរបស់គូស្នេហ៍នេះ និងបន្ទាប់មកបង្ហោះឡើងអ៊ីនធើរណេត ដែលជាទង្វើមួយបំពានលើច្បាប់អាសអាភាសរបស់ឥណ្ឌូនេស៊ី ៕ ចន្ទី