រដ្ឋបាលរបស់លោក ដូណាល់ ត្រាំ គ្រោងនឹងប្រកាសទណ្ឌកម្មប្រឆាំងនឹងប្រទេសចិននៅថ្ងៃព្រហស្បតិ៍នេះ ក្រោពេលបានកំណត់ថា
ប្រទេសចិនបានកំពុងជំរុញឲ្យមានការលួច និងផ្ទេរកម្មសិទ្ធិបញ្ញាពីពាណិជ្ជកម្មអាមេរិច។ នេះបើតាមការចេញផ្សាយរបស់ CNN។
សេតវិមានអាមេរិចបាននិយាយថា វិធានការប្រឆាំងនឹងចិននឹងត្រូវប្រកាស ក្រោយពេលមានការជជែកគ្នាអស់រយៈពេលជាច្រើនឆ្នាំលើបញ្ហានោះ ដែលបរាជ័យក្នុងការធ្វើឲ្យមានការកែប្រែ។
វិធានការទាំងនោះអាចនឹងមានការតំឡើងពន្ធលើផលិតផលនាំចូលពី ព្រមទាំងវិធានការផ្សេងៗ ទៀត។ បើតាមសារព៌តមានអាមេរិចបានឲ្យដឹងថា សេតវិមានកំពុងពិចារណានូវទឹកប្រាក់ចន្លោះ៣០ ទៅ ៦០ពាន់លានដុល្លាសំរាប់ពន្ធនាំចូល ព្រមទាំងវិធានការផ្សេងៗទៀតដែលដាក់កំហិតដល់ការវិនិយោគទុក។
សហរដ្ឋអាមេរិច ក៏អាចនឹងដាក់បណ្តឹងទៅកាន់អង្គការពាណិជ្ជកម្មពិភពលោកផងដែរ។ នេះបើតាមមន្ត្រីអង្គការនេះ។
អ្នកសម្របសម្រួលពាណិជ្ជកម្មជាន់ខ្ពស់អាមេរិច គឺលោក Robert Lighthizer បានថ្លែងប្រាប់សមាជិកសភាកាលពីថ្ងៃពុធម្សិលមិញថា អាមេរិចកំពុងស្វែងរកការដាក់សម្ពាធឲ្យខ្លាំងលើប្រទេសចិន និងការដាក់សម្ពាធតិចលើអ្នកប្រើប្រាស់អាមេរិច។
លោកថ្លែងបន្តទៀតថា ការការពារកម្មសិទ្ធិបញ្ញាគឺមានសារសំខាន់ខ្លាំងដល់សេដ្ឋកិច្ចអាមេរិច៕ សុភ័ក្ត្រ
