ក្រុមស្រាវជ្រាវរុករកកំពុងទៅដល់ចំណុចដាច់ស្រយាលមួយ នាតំបន់ភ្នំភាគពាយ័ព្យ រដ្ឋ Pennsylvania ដែលជាកន្លែងចំនួនមាសបានបាត់ ឬលាក់ទុកនៅទីនេះ កាលពីឆ្នាំ ១៨៦៣ ក្នុងអំឡុងសង្គ្រាមក្នុងស្រុក របស់ភាគីសហព័ន្ធភាគខាងជើង -នេះបើតាម USA Today ។
អ្នកនាំពាក្យ FBI បដិសេធពុំបកស្រាយពីមូលហេតុដែលភ្នាក់ងាររបស់ខ្លួនមានវត្តមាននៅទីនោះ ។
តាមក្រុមប្រមាញ់ឃ្លាំងទ្រព្យ Finders Keppers ដែលតាំងពីយូរណាស់មកហើយ អះអាងថា ធ្លាប់ឃើញមាសកប់ក្នុងព្រៃអភិរក្សជាតិ នៅ Dents Run ចម្ងាយពីទីក្រុង Pittsburghប្រមាណ ២១៧ គីឡូម៉ែត្រ ភាគឦសាន្ត។ ចំនួនមាសទាំងនេះ បានត្រូវបាត់ស្រមោល លើផ្លូវដឹកជញ្ជូនពីឃ្លាំងប្រាក់នៅ Philadelphia, រួមមាន ២៦ ឬ ៥២ដុំ ទម្ងន់ ២៣គីឡូក្រាម តម្លៃបច្ចុប្បន្ន គឺ ២៧-៥៥លានដុល្លារ ។
ចំណុចក្រហមត្រូវបានចាត់ទុកជាកន្លែងចំនួនមាសនេះត្រូវបានគេលាក់មុននោះ មានក្រុងមួយបានរកឃើញកន្លែងកប់ទុកមាសនេះតាមរយៈម៉ាស៊ីនរាវលោហធាតុកម្លាំងខ្លាំង ប៉ុន្តែក្រសួងធនធានធម្មជាតិ និងអភិរក្សអាមេរិកពុំអនុញ្ញាតឲ្យធ្វើការជីកកកាយ៕ ចន្ទ្រា
