ក្រចេះ ៖ មានករណីទូកមួយគ្រឿងដឹកសាកសព បានបើកបុកជាមួយទូកដឹកត្រី បណ្ដាលឲ្យបុរសម្នាក់នៅចំណុចកោះរងាវ ឃុំកំពង់ចាម ស្រុកសំបូរ ខេត្តក្រចេះ កាលពីវេលាម៉ោង៤ទៀបភ្លឺ ថ្ងៃទី២២ ខែមីនា ឆ្នាំ២០១៨ ។
នៅវេលាម៉ោងប្រមាណជា ២រសៀលថ្ងៃដដែលនេះ សាកសពបុរសម្នាក់ ត្រូវបានសមត្ថកិច្ច សាច់ញាតិបងប្អូន និងប្រជាពលរដ្ឋ រកឃើញសពអណ្តែតទឹកទន្លេមេគង្គ ក្នុងស្រុកសំបូរ ខេត្តក្រចេះ ក្រោយបាត់ខ្លួនជិត៩ម៉ោង ក្នុងហេតុកាណ៍គ្រោះថ្នាក់ចរាចរ ផ្លូវទឹក ។ សាកសពជនរងគ្រោះមានឈ្មោះ ផា សីហា អាយុ ៣៨ឆ្នាំ មុខរបរទិញត្រី រស់នៅភូមិកែងប្រសាទ ឃុំសំបូរ ស្រុកសំបូរ ខេត្តក្រចេះ បានស្លាប់ដោយសារពេលទូកបុកគ្នា ជនរងគ្រោះក៏ធ្លាក់ចូលទឹកហើយក្បាលត្រូវនឹងស្លាបចាក់ម៉ាស៊ីនទូកបណ្តាលឲ្យរយះ របួស ក៏លង់ទឹកស្លាប់។
សមត្ថកិច្ចមូលដ្ឋានស្រុកសំបូរ បានអះអាងថា គឺបានកើតឡើងបន្ទាប់ពីមានទូកដឹកសាកសពមួយ ដែលស្លាប់ដោយសារពស់ចឹក បានបើកបុកជាមួយទូកដឹកត្រី ក៏បណ្ដាលឲ្យបុរសម្នាក់ ដែលជាអ្នកបើកបរទូកដឹកត្រីធ្លាក់ចូលទៅក្នុងទឹក ៕ ដោយ៖បញ្ញាស័ក្តិ