រុក្ខជាតិបៃតងជាវត្ថុចម្បង សម្រាប់ជីវិតអ្នកក្រុងទំនើប។ ការរស់នៅក្នុងទីក្រុងដែលមិនចេះដេកមួយ “City Never Sleep” ពួកគេត្រូវការកន្លែងសម្រាកខួរក្បាលមួយ បន្ទាប់ពីពួកគេសម្រាកពីភាពមមាញឹកជារៀងរាល់ថ្ងៃ ដូចជាកញ្ញាម្នាក់នេះ គឺនាង Summer Rayne Oakes ជាតារាបង្ហាញម៉ូតនៅទីក្រុង ញូយ៉ក បានប្រែក្លាយ Brooklyn apartment របស់នាងឲ្យទៅជាព្រៃត្រូពិកមួយ ដែលមានរុក្ខជាតិដល់ទៅ ៥០០ ដើម មានតូច មានធំ ដែលដើមឈើទាំងនោះមាន ១៥០ ប្រភេទខុសៗគ្នា ។
ការធ្វើរបៀបនេះនៅក្នុងផ្ទះនៃអគារខ្ពស់ វាបានផ្លាស់ប្តូរសភាពអ៊ូអរ ឈូឆ ដែលធ្វើឲ្យមនុស្សមានអារម្មណ៍ស្ងប់ស្ងាត់ និងមិនស្ត្រេសខ្លាំងចំពោះការរស់នៅក្នុងទីក្រុងយក្សមួយនេះ។ នេះគួរតែជាលំនាំសម្រាប់អ្នកធ្វើការដែលពុំសូវមានពេលសម្រាកដើរលេងទៅទីឆ្ងាយ គួរតែរៀបចំកន្លែងរស់នៅឲ្យមានផាសុកភាពរបៀបនេះ ព្រោះថា រុក្ខជាតិបៃតង វាអំណោយផលក្នុងការធ្វើឲ្យមនុស្សមានអារម្មណ៍ស្រស់ស្រាយ ហើយវាផ្តល់សេចក្តីសុខដល់អ្នករស់នៅ៕ ក្ខិណី