ម្តាយវ័យក្មេងនៃកូន៤នាក់ដ៏ស្រស់ស្អាតម្នាក់ នៅក្នុងប្រទេសម៉ាឡេស៊ី ដែលបានចែករំលែករូបថតបញ្ចេញក្បាលពោះរបស់នាងពោរពេញដោយសង្វា នៅលើបណ្តាញសង្គម ដោយគ្មានការខ្មាសអៀន ក្នុងបំណងចង់ឲ្យបុរសៗកុំស្អប់ខ្ពើម ពីសភាពផ្ទៃពោះដ៏អាក្រក់មួយនេះរបស់ស្ត្រីជាប្រពន្ធ ខណៈដែលនារីនៅលីវមួយចំនួន បានពេលឃើញហើយ និយាយថា ពួកគេមិនចង់បានកូនឡើយ ។
អ្នកនាង Doreen Ching អាយុ ២៣ ឆ្នាំ បានចែករំលែករូបភាពផ្ទៃពោះរបស់នាង ពោរពេញដោយសង្វារ នៅលើបណ្តាញសង្គម បន្ទាប់ពីទទួលយកការពិតដែលសាច់ពោះរបស់អ្នកនាង មិនអាចស្រស់ស្អាត ដូចកាលដែលនាងមិនទាន់ក្លាយជាម្តាយរបស់គេនោះ ។
នៅក្នុងសារបង្ហោះនៅលើបណ្តាញសង្គម អ្នកនាង Ching បានរម្លឹកពីដំណើររឿងដែលមិត្តភក្តិជាច្រើន បានព្រមាននាងពី «ផលប៉ះពាល់» ដែលកើតឡើងជាមួយកូនទី៤របស់នាង ។ នាងបានសរសេរយ៉ាងដូច្នេះថា៖
«កាលពីខ្ញុំមានអាយុទើបតែ២១ឆ្នាំ ខ្ញុំមិនគិតថា ខ្ញុំអាចនឹងទទួលយកការពិតនៃសាច់ពោះរបស់ខ្ញុំបែបនេះ ក្នុងមួយជីវិតទេ ។ រឿងដំបូងដែលខ្ញុំបានធ្វើ បន្ទាប់ចាកចេញពីបន្ទប់សម្រាល គឺមើលពោះខ្លួនឯង និងក៏យំតែម្តង ព្រោះវាបែកជាសង្វារធំៗគួរឲ្យរន្ធត់បែបនេះ» ។
អ្នកនាងក៏បានសរសេរទៅកាន់ប្តីរបស់នាងឈ្មោះ Toh Yang Ming ថា៖ «សងពោះរបស់ខ្ញុំវិញមក!» ។
នាងនិយាយថា៖ «មនុស្សជាច្រើនបានប្រាប់ខ្ញុំថា មើលទៅខ្ញុំអាក្រក់ និងគួរឲ្យខ្ពើមខ្លាំងណាស់ ហើយថាពួកគេចង់ចង់ក្អួត» ។
អ្នកដទៃទៀត បានសម្តែងភាពស្លុតរន្ធត់ នៅពេលឃើញសភាពពោះរបស់នាងបែបនេះ ខណៈស្រីៗមួយចំនួនទៀត បានលាន់មាត់ថា ពួកគេពិតជាខ្លាចណាស់ មិនចង់ពរពោះឆ្លងទន្លេឡើយ ។
ទោះយ៉ាងណា មនុស្សជាច្រើនបានបង្ហាញការគាំទ្រ និងកោតសរសើរចំពោះ «ភាពក្លាហាន» របស់នាង ដោយខមិនថា៖
«ខ្ញុំគ្រាន់តែមើលឃើញថា អ្នកស្អាត ហើយស្រលាញ់ដោយអស់ពីចិត្ត»
«អ្នកជាម្តាយដ៏ស្រស់ស្អាត»!
«មានមោទនភាពណាស់ ។ អ្នកពិតជាស្រស់ស្អាតមែន!»
ទោះយ៉ាងណា នាងក៏បានលើកទឹកចិត្តបុរសទាំងអស់ ឲ្យគោរពស្ត្រីផង ព្រោះគ្មានស្ត្រីណាម្នាក់ចង់កើតមានបញ្ហាមកលើរូបសម្រស់ខ្លួនបែបនេះ ក្នុងជីវិតរបស់ពួកគេឡើយ ៕ ចន្ទី