ព័ត៌មានថ្មីបំផុតពីការិយាលល័យពន្លត់អគ្គិភ័យរបស់ទីក្រុងហូជីមិញ អគ្គិភ័យបានឆាបឆេះនៅអគារ Carina ក្នុងខ័ណ្ឌលេខ៨ មកទល់ម៉ោង ៥និង២០នាទីព្រឹកនេះ មានមនុស្ស ១៣នាក់ បានស្លាប់ និង ១៤នាក់ទៀតរងរបួស។
កន្លែងកើតហេតុនៅព្រឹកមិញនេះ
ផ្នែកអគ្គិភ័យទីក្រុងនេះឲ្យដឹងថា វេលាម៉ោងប្រមាណ ១និង៣០នាទីព្រឹកថ្ងៃទី ២៣ មីនា នៅជាន់ក្រោមនៃអគារ Carina ស្រាប់តែឃើញភ្លើងចាប់ផ្តើមឆាបឆេះ។ អណ្តាតភ្លើងបានលេបត្របាក់១ជាន់ៗ ធ្វើឲ្យផ្ទាំងបេតុងបាក់រលំចុះ មនុស្សជាច្រើនជាប់គាំងខាងក្នុង ខណៈពេលដែលអ្នកគ្មានឱកាសចេញពីក្នុងបន្ទប់នៅជាន់លើ។
មានមនុស្សយ៉ាងតិច ១៣នាក់ បានស្លាប់ ហើយ ១៤នាក់រងរបួស។
ពត៌មានពីផ្នែកអគ្គិភ័យរហូតដល់ម៉ោង៤ព្រឹកមិញនេះ ទើបគេអាចគ្រប់គ្រងស្ថានការណ៍បាន ទោះយ៉ាងណាផ្សែងអួរអាប់នៅបន្តហើរចេញខ្មួលខ្មាញ់ពីជាន់ខាងក្រោម ។
Carina Plaza គឺជាអគារជាន់ខ្ពស់ទើបត្រូវបានដាក់ឲ្យប្រើប្រាស់ ៦ឆ្នាំប៉ុណ្ណោះ វាត្រូវបានសាងសង់លើផ្ទៃដីជិត ២០.០០០ m² ៕ សូយន