ខណៈពេលដែលអាមេរិកកំពុងមានផែនការ វាយពន្ធរាប់សិបពាន់លានដុល្លារចំពោះទំនិញនាំចូលពីប្រទេសចិន នាយករដ្ឋមន្ត្រីចិនបានបំផុសចលនា “សម្រុះសម្រួល” -នេះបើតាម Nikkei ។
នាយករដ្ឋមន្ត្រី Ly Khac Cuong
នាយករដ្ឋមន្ត្រីពោលថា ៖ “ឱនភាពពាណិជ្ជកម្មយ៉ាងធំរបស់អាមេរិក ពុំមែនជារឿងដែលយើងខ្ញុំចង់ឃើញនោះទេ រឿងដែលយើងខ្ញុំចលង់ឃើញនោះគឺពាណិជ្ជកម្មស្មើភាព”។ ដើម្បីអនុវត្តបានប្រការនេះ លោក Ly Khac Cuong បានអំពាវឲ្យក្រុងវ៉ាស៊ីនតោន កាត់បន្ថយនូវគម្លាតនៃបញ្ហាដែលចិនអាចទិញទំនិញបច្ចេកវិទ្យាខ្ពស់របស់អាមេរិក ដែលអាមេរិកពុំយល់ព្រមលក់ដោយសំអាងមូលហេតុការពារសន្តិសុខជាតិ។
លោក Ly ពោល ៖ “យើងខ្ញុំសង្ឃឹមថា អាមេរិកនឹងមិនរំលងចោលឱកាសសំខាន់នេះ ដើម្បីតុល្យភាពចំណងទាក់ទងពាណិជ្ជកម្មប្រទេសទាំងពីរ។ ប្រសិនបើរំលងចោលប្រការនេះ មានន័យថា អាមេរិក នឹងបាត់បង់ឱកាសល្អមួយក្នុងការរកលុយ”។
កាលពីដើមខែនេះ លោក Wang Yi ប្រមុខការទូតចិន បានព្រមានថា ក្រុងប៉េកាំង នឹងមានការវាយបកចំពោះតារាងពន្ធថ្មីរបស់អាមេរិក។ ប៉ុន្តែលោក Ly ហាក់សម្រួលបញ្ហាគ្រាអាមេរិកកំពុងសុក្រិតសុភាពផែនការវាយពន្ធថ្មីកើនឡើងដល់ទៅ ៦០ពាន់លានដុល្លារ។
ក្នុងសុន្ទរកថាមួយថ្លែងទៅកាន់រដ្ឋសភាចិនកាលពីថ្ងៃ ២០ កុម្ភៈ ប្រធានរដ្ឋ ស៊ី ជិនពៀន ក៏បានបញ្ជូននូវសារសម្របសម្រួលមួយផងដែរ ខណៈពេលលោកថ្លែងថា ៖ គ្មានពេលណាដែលចិនស្វែងរកអំណាចត្រួតត្រា ឬចូលរួមក្នុងការបង្កើនអំណាចនោះទេ។ មានតែអ្នកដែលធ្លាប់បានគំរាមអ្នកផ្សេងឡើងក្លាយជាទម្លាប់ហើយនោះ ទើបសំឡឹងឃើញអ្វីៗគ្រប់យ៉ាងគឺជាការគំរាមកំហែង។
តាមលោកនាយករដ្ឋមន្ត្រីចិន ខឿនសេដ្ឋកិច្ចពិភពលោកលំដាប់ទី២នេះ នឹងបើកទូលាយទីផ្សារវិនិយោគបរទេសក្នុងបណ្តាវិស័យថែទាំសុខភាព អប់រំ សេវាហិរញ្ញវត្ថុ និងផលិតកម្ម។ ទន្ទឹមនោះក៏នឹងលុបចោលសំណូមពរនៃការផ្ទេរបច្ចេកវិទ្យា -បញ្ហាមួយសំខាន់ធ្លាប់មានការប្តឹងប្តល់ របស់អាមេរិក។ លោក Ly ក៏ឲ្យដឹងបន្ថែមថា ក្រុងប៉េកាំងក៏នឹងកាត់បន្ថយពន្ធនាំចូលពិសេសគឺទំនិញប្រើប្រាស់៕ សូយន
