នាយទាហានរុស្ស៊ីម្នាក់ នៅថ្ងៃ ២២ មីនា បានពាក់លីជីវិត ព្រោះតែយកខ្លួនទៅគ្របពីលើគ្រាប់បែក ដែលទាហានថ្មីម្នាក់ “ឡេឡឺ” គ្រាដែលធ្វើឲ្យធ្លាក់គ្រាប់បែកមួយគ្រាប់ដែលបានដកគន្លឹះ។
តាមទីភ្នាក់ងារព័ត៌មាន TASS ហេតុការណ៍នេះបានកើតឡើងនៅថ្ងៃ២០ មីនា ក្នុងពេលកំពុងហ្វឹកហាត់នៅមូលដ្ឋានយោធាមួយនៅទីក្រុង Belgorod ជិតព្រំដែនអ៊ុយក្រែន។ ព័ត៌មានជាក់ស្តែងពីយោធភូមិភាគប៉ែកខាងលិច គឺទាហាននោះកំពុងហ្វឹកហាត់នៅក្នុងលេណដ្ឋាន បានធ្វើឲ្យធ្លាក់គ្រាប់បែកដែលខ្លួនបានដកគន្លឹះ ភ្លាមៗនោះនាយទាហានជាគ្រូបានច្រានសិស្សទាហានហើយយកខ្លួនបាំងគ្រាប់។ ផលវិបាកនៃការផ្ទុះនេះ ធ្វើឲ្យនាយទាហានរងរបួសសុះសាច់ ខណៈពេលដែលទាហានថ្មីពុំមានរបួសសូម្បីបន្តិច។ ទោះបីក្រុមវេជ្ជបណ្ឌិតប្រឹងប្រែងសង្គ្រោះយ៉ាងណាក៏គាត់នៅតែទទួលមរណៈភាពដែរ។ នាយទាហានខាងលើត្រូវបានស្នើមេដាយ ដោយសារគាត់មានស្នាដៃការពារថ្នាក់ក្រោម៕ ចន្ទ្រា
