តុលាការនៅក្នុងរដ្ឋ Jharkhand ភាគខាងជើងប្រទេសឥណ្ឌា បានកាត់ទោសបុរសចំនួន ១១នាក់ឲ្យជាប់គុកមួយជីវិត ពីបទវាយសម្លាប់អ្នកលក់សាច់គោ កាន់សាសនាអ៊ីស្លាមម្នាក់ កាលពីឆ្នាំមុន។ នេះបើតាមការចេញផ្សាយរបស់ BBC កាលពីថ្ងៃម្សិលមិញនេះ។
អ្នកលក់សាច់គោដែលជាជនរងគ្រោះឈ្មោះ Alimuddin Ansari អាយុ ៥៥ឆ្នាំ ត្រូវបានបុរសខាងលើវាយរហូតដល់ស្លាប់ បន្ទាប់ពីរូបគាត់បានដឹកសាច់គោ។
នេះគឺជាលើកដំបូងហើយដែលប្រទេសឥណ្ឌាបានកាត់ទោសមនុស្សដែលបង្កើតច្បាប់ខ្លួនឯង ដើម្បីដាក់ទោសលើអ្នកដទៃ បើបីជាមានការវាយប្រហារលើអ្នកធ្វើជំនួយសាច់ជាច្រើនឆ្នាំក្តី។
សូមបញ្ជាក់ថា ប្រជាជនឥណ្ឌា ដែលភាគច្រើនកាន់សាសនាហិណ្ឌូ ចាត់ទុកគោជាសត្វសក្ការៈ ហើយការសម្លាប់ពួកវា គឺជារឿងខុសច្បាប់ នៅក្នុងរដ្ឋមួយចំនួន រួមទាំងរដ្ឋ Jharkhand ផងដែរ។
