បន្ទាយមានជ័យ៖មានករណីគ្រោះថ្នាក់ចរាចរមួយកើតឡើងរវាង ម៉ូតូ និង ម៉ូតូ បណ្តាយឲ្យគ្រោះថ្នាក់ ស្លាប់ម្នាក់ របួសធ្ងន់២ នាក់ របួសស្រាលម្នាក់ ថ្ងៃទី ២២ ខែ មីនា ឆ្នាំ ២០១៨ វេលាម៉ោង ២១ នៅលើកំណាត់ផ្លូវជាតិលេខ៥ ត្រង់ចំណុចភូមិគោកទន្លាប់ ឃុំបន្ទាយនាង ស្រុក មង្គលបូរី ។
យោងរបាយការណ៍របស់មូលដ្ឋានកងរាជអាវុធហត្ថស្រុកមង្គលបូរី បានឲ្យដឹងថា គ្រោះថ្នាក់នេះ បង្កដោយម៉ូតូ មួយគ្រឿងម៉ាក ហុងដា ឌ្រីម ពណ៌ខ្មៅ ពាក់ស្លាកលេខ ប. មានជ័យ ១I-៧១៧៧ អ្នកបើកបរឈ្មោះ អឿន សូនី ភេទប្រុស ៣០ ឆ្នាំ រស់នៅភូមិប្រឡាយចារ៍ ឃុំចំណោម ស្រុកមង្គលបូរី បានធ្វើដំណើរតាមបណ្តោយផ្លូវជាតិលេខ៥ ទិសដៅពីជើងទៅត្បូង លុះដល់ចំណុចកើតហេតុខាងលើ បានបើកឡើងជែងរថយន្តពីមុខ ក៏ជ្រុលទៅបុកនឹងម៉ូតូ មួយគ្រឿងម៉ាក ស៊ុយស៊ូគី ស្មាស់ ពណ៌ខ្មៅ ពាក់ស្លាកលេខ បាត់ដំបង ១B-៨៥៥៨ បើកបរដោយឈ្មោះ ឃុល ឃើយ ភេទប្រុស អាយុ ២៨ ឆ្នាំ រស់នៅភូមិតាទង់ សង្កាត់ព្រះពន្លា ក្រុងសិរីសោភ័ណ និងអ្នករួមដំណើរ ២នាក់ ១-ឈ្មោះ ដួង ដុះ ភេទ ប្រុស អាយុ ២៤ ឆ្នាំ រស់នៅភូមិជាមួយគ្នា ២-ឈ្មោះ ជី ភេទស្រី រស់នៅភូមិភ្នំតូច ឃុំភ្នំតូច ស្រុកមង្គលបូរី ដែលធ្វើ ដំណើរបញ្ច្រាសទិសគ្នា ហើយបុកចំពីមុខពេញទំហឹង បណ្តាលឲ្យ ៖ ១ -ឈ្មោះ អឿន សូនី ស្លាប់នៅមន្ទីរពេទ្យ មិនពាក់មួកសុវត្ថិភាព ២ – ឈ្មោះ ដួង ដុះ របួសធ្ងន់ផ្នែកក្បាល សម្រាកព្យាបាល នៅមន្ទីរពេទ្យកម្ពុជា-ជប៉ុនមង្គលបូរី មិនពាក់មួកសុវត្ថិភាព ៣ – ឈ្មោះ ជី របួសធ្ងន់ផ្នែកក្បាល សម្រាកព្យា បាល នៅមន្ទីរពេទ្យកម្ពុជា-ជប៉ុន មង្គលបូរី មិនពាក់មួកសុវត្ថិភាព ៤ – ឈ្មោះ ឃុល ឃើយ របួសស្រាល សម្រាកព្យាបាល នៅមន្ទីរពេទ្យកម្ពុជា-ជប៉ុន មង្គលបូរី មិនពាក់មួកសុវត្ថិភាព។ ម៉ូតូខូចខាតធ្ងន់ទាំង ២ គ្រឿង មូលហេតុម៉ូតូឌ្រីម បើកឡើងជែងក្នុងស្ថានភាពគ្រោះថ្នាក់ ។ វត្ថុតាងទាំង ២ រក្សាទុកនៅអធិការដ្ឋាននគរបាលស្រុកមង្គលបូរី ៕ ដោយ ៖ បញ្ញាស័ក្តិ
