ភ្នំពេញ-ក្រោយការវិលវិញពីក្រៅប្រទេស លោកចាងហ្វាងផលិតកម្ម មហាហង្ស អ៊ិន សុភិន បានបង្ហាញថារម្មណ៍ថា ភាពយន្តរបស់កម្ពុជា នៅតែមានការពិបាកប្រកួតប្រជែងជាមួយ នឹងភាពយន្តបរទេស។ ព្រោះមានបញ្ហាជាច្រើនដែល ធ្វើឲ្យផលិតករខ្មែរពិបាកក្នុងការជ្រែកចូលទីផ្សារមហោស្រពភាពយន្ត។
បញ្ចប់បេសកម្មក្នុងការចូលរួមព្រឹត្តិការណ៍ Hong Film Mart Festival ដែលធ្វើឡើងក្នុងប្រទេសចិន។ លោកមានអារម្មណ៍ថា ការផលិតភាពយន្តបានល្អមួយគឺមានច្រើនទម្រង់ដូច្នេះហើយ ការផលិតភាពយន្តកន្លងមកគឺនៅមានកំហុសឆ្គងច្រើនគួរសមដែរ។
លោកបន្ថែមថា លោកបានមើលឃើញថា ភាពយន្តបរទេសមានភាពរីកចម្រើនហើយលោកមើលកាន់តែច្បាស់ពីបញ្ហាបច្ចេកទេសក្នុងការផលិតរឿង។ លោកថា ភាពយន្តខ្មែរទោះបីជាខំពង្រឹងស្នាដៃកម្រិតណា ក៏មិនងាយហក់ចូលទីផ្សារអន្តរជាតិឲ្យត្រូវបានដែរ ដោយសារតែផលិតករខ្មែរ កម្រមានដើមទុនដល់កន្លះលាន ទៅ១លានដុល្លារដើម្បីផលិតភាពយន្ត៕ ដោយ-គីម ស្រីរ័ត្ន