មនុស្សយ៉ាងហោចណាស់ចំនួន ១៣នាក់បានស្លាប់បាត់បង់ជីវិត និង ៣៥នាក់ទៀតរងរបួស នៅក្នុងការវាយប្រហារដោយបំផ្ទុះគ្រាប់បែកក្នុងឡាន កាលពីថ្ងៃសុក្រម្សិលមិញ នៅក្នុងប្រទេសអាហ្គានីស្ថាន។ នេះបើតាមការចេញផ្សាយរបស់ BBC នៅព្រឹកថ្ងៃសៅរ៍នេះ។
ហេតុការណ៏បំផ្ទុះគ្រាប់បែកនេះកើតឡើងខាងក្រៅពហុកីឡាដ្ឋានស្ថិតក្នុងទីក្រុង Lashkar Gah នៃខេត្ត Helmand។ ជនរងគ្រោះទាំងអស់គឺជាជនស៊ីវិល។
ការបំផ្ទុះគ្រាប់បែកដ៏កក្រើកនេះ កើតឡើងតែប៉ុន្មានថ្ងៃប៉ុណ្ណោះ ក្រោយពេលមានការវាយប្រហារដោយគ្រាប់បែកអត្តឃាតមួយស្ថិតក្នុងរដ្ឋធានីកាបុល បណ្តាលឲ្យមនុស្ស ៣៩នាក់ស្លាប់។
រហូតមកដល់ពេលនេះ ពុំទាន់មានក្រុមណាចេញមុខអះអាងពីការវាយប្រហារនោះឡើយ៕ សុភ័ក្ត្រ