ភ្នំពេញ ៖ នៅក្នុងជំនួបជាមួយ លោក Benjamin Ow នាយកក្រុមហ៊ុន AnnAik Limited នៃប្រទេសសឹង្ហបូរីនៅទីស្តីការក្រសួងបរិស្ថាន នាថ្ងៃទី២៣ ខែមីនា ឆ្នាំ២០១៨ លោក សាយ សំ អាល់ រដ្ឋមន្ត្រី ក្រសួងបរិស្ថាន បានសំដែងការគាំទ្រដល់ក្រុហ៊ុនវិនិយោគ ដែលចូលរួមក្នុងកិច្ចគាំពារបរិស្ថាន នៅប្រទេសកម្ពុជា។
ជាមួយគ្នានេះ លោករដ្ឋមន្ត្រី បានលើកទឹកចិត្តឱ្យប្រព័ន្ធដំណើរការអនុវត្តការងាររបស់ក្រុមហ៊ុន AnnAik Limited នៃប្រទេសសឹង្ហបូរីគិតគូ និងចូលរួមចំណែកកិច្ចគាំពារបរិស្ថាន និងការអភិវឌ្ឍដោយចីរភាព។
លោក Benjamin Ow នាយកក្រុមហ៊ុន AnnAik Limite បានបញ្ជាក់ថា ក្រុមហ៊ុនឹងប្រើប្រាស់ក៏ដូចជាបំពាក់នូវបច្ចេកទេស ក្នុងការគ្រងប្រព័ន្ធទឹកលូក្នុងទីប្រជុំជន ការគ្រប់គ្រង សំណល់ឧស្សាហកម្ម ជាពិសេសផ្តោតសំខាន់លើការគ្រប់គ្រងសំណល់តំបន់ឆ្នេរ៕ ដោយ ៖ បញ្ញាស័ក្តិ