ភ្នំពេញ ៖ ក្នុងខណៈពេលដែលឪពុកម្តាយមិននៅផ្ទះ បុគ្គលិកផ្ទះសំណាក់ហូលីដេ បានធ្វើសកម្មភាពចាប់រំលោភកូនស្រីម្ចាស់ផ្ទះសំណាក់រហូតបានសម្រេច។ ជនរូបនេះត្រូវបានចាប់ខ្លួន យោងតាមពាក្យបណ្តឹងរបស់ថៅកែផ្ទះសំណាក់កាលពីព្រឹកថ្ងៃ សៅរ៍ ថ្ងៃទី២៤ ខែមីនា ឆ្នាំ២០១៨ នៅចំណុចផ្ទះសំណាក់យីហោ ហូលីដេ ស្ថិតនៅភូមិស្លែងរលើង សង្កាត់អូបែកក្អម ខណ្ឌសែនសុខ។
ជនសង្ស័យឈ្មោះ ផល ណាផា អាយុ២០ឆ្នាំ ជាអ្នកគិតលុយក្នុងផ្ទះសំណាក់ហូលីដេ និងស្នាក់នៅក្នុងផ្ទះសំណាក់បន្ទប់លេខ១A ជាន់ផ្ទាល់ដី មានស្រុកកំណើត ភូមិកំពង់លាវ ឃុំលេខ២ ស្រុកកំពង់លាវ ខេត្តព្រៃវែង។ ចំណែកនារីរងគ្រោះមានឈ្មោះ ល.ស.ដ.ន អាយុ១៥ឆ្នាំ ។
យោងតាមពាក្យបណ្តឹងរបស់នារីរងគ្រោះ បានឲ្យដឹងថានៅមុនថ្ងៃកើតហេតុកន្លងមកនាងតែងតែដើរទៅគាស់បន្ទប់ជនសង្ស័យដើម្បីសុំខ្ចីទូរស័ព្ទដៃរបស់គាត់មកលេងហ្គេមលុះដល់ថ្ងៃទី២២ខែមីនាឆ្នាំ២០១៨រូបនាងបានដើរទៅខ្ចីទូរស័ព្ទពីជនសង្ស័យម្តងទៀតដោយថ្ងៃនោះឪពុកម្តាយរបស់នាងមិននៅផ្ទះទេគឺទៅខេត្តបាត់ដំបងរយៈពេលពីរថ្ងៃ។នាងបន្តទៀតថានៅថ្ងៃដដែលនាងក៏ដើរទៅគាស់ទ្វារបន្ទប់ជនសង្ស័យក្នុងបំណងខ្ចីទូរស័ព្ទមកលេងហ្គេមដូចលើកមុន ពេលនោះស្រាប់តែជនសង្ស័យ បានទាញដៃនាងចូលទៅក្នុងបន្ទប់ ហើយបានធ្វើសកម្មភាពចាប់ស្រាតខោរអាវនាង រំលោភរហូតបានសម្រេចចំនួន១លើក។ នាងបញ្ជាក់ថា ក្នុងពេលនោះ នាងខំរើបម្រាស់ដែរ តែរើមិនរួច។ នៅពេលរំលោភរួច នាងក៏ស្លៀកពាក់ខោអាវ ដើរចេញមកខាងក្រៅ បន្ទប់ ពេលនោះជនសង្ស័យបានដើរមករងនាង អង្គុយក្បែរ ហើយនាងក៏និយាយថា ចាំមើលខ្ញុំប្រាប់រឿងនេះដល់ឪពុកម្តាយខ្ញុំហើយ ។ ពេលនោះជនសង្ស័យ បានប្រាប់នាងថា កុំប្រាប់គាត់អី បើប្រាប់គាត់ បានអីមកវិញ យ៉ាងច្រើន បានត្រឹមជាប់គុក។ លុះដល់ថ្ងៃទី២៤ ខែមីនា ឆ្នាំ២០១៨ នាងក៏សម្រេចចិត្តប្រាប់រឿងនេះ ដល់ឪពុកម្តាយឲ្យដឹង ហើយឪពុកនាង បានចាប់នាំខ្លួនជនសង្ស័យ យកមកប្រគល់ឲ្យសមត្ថកិច្ចអធិការដ្ឋាននគរបាលខណ្ឌសែនសុខ។
នៅដំណាក់កាលសមត្ថកិច្ច ជនសង្ស័យ បានសារភាពប្រាប់ថា ពិតជាបានចាប់រំលោភក្មេងរងគ្រោះ ពិតប្រាកដមែន សម្រេចមួយលើកដោយការព្រមព្រៀងគ្នាគ្មានការចាប់បង្ខំទេ។
បច្ចប្បន្នជនសង្ស័យកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅតុលាកាចាត់បន្តតាមនិតិវិធី៕ ដោយ៖បញ្ញាស័ក្តិ