ខេត្តបន្ទាយមានជ័យ ៖ គួរឲ្យអនិច្ចាណាស់របុរសម្នាក់ពិការហើយថែមទាំងជួបគ្រោះខ្យល់កន្ត្រាក់បោកបក់ចំផ្ទះបណ្តាលឲ្យផ្ទះ១ខ្នងរលំស្ទើររាបដល់ដីនៅវេលាម៉ោង៦ល្ងាច ថ្ងៃទី២៥ ខែមីនា ឆ្នាំ២០១៨ នៅចំនុចបឹងខ្ទុម ស្ថិតក្នុងភូមិសូភីជើង ឃុំសូភី ស្រុកអូរជ្រៅ ខេត្តបន្ទាយមានជ័យ។
លោកវរៈសេនីយ៍ត្រីជាពិសី មេបញ្ជាការមូលដ្ឋានកងរាជអាវុធហត្ថស្រុកអូរជ្រៅបានប្រាប់ឲ្យដឹងថាម្ចាស់ផ្ទះមានឈ្មោះ តែម ប៊ូន ភេទប្រុស អាយុ៦២ឆ្នាំ ជាជនពិការនិងមានកូនចំនួន ៣នាក់ រស់នៅភូមិសូភីជើង ឃុំសូភី ស្រុកអូរជ្រៅ ខេត្តបន្ទាយមានជ័យ។ លោកវរៈសេនីយ៍ត្រីជាពិសីបានបញ្ជាក់ឲ្យដឹងទៀតថានៅវេលាម៉ោង៦ល្ងាចនោះមានភ្លៀងធ្លាក់១មេយ៉ាងខ្លាំអមទៅដោយខ្យល់កន្ត្រាក់បោកបក់មកចំផ្ទះជនរងគ្រោះធ្វើឲ្យប៉ើងដំបូលស័ង្កសីខ្ទេចខ្ទីអស់ដែលមានទំហំ ៥ម៉ែត្រx៦ម៉ែត្រ ខូចខាតស័ង្កសីជាច្រើនសន្លឹកតែមិនបណ្តាលឲ្យមានគ្រោះថ្នាក់ដល់មនុស្សទេ។លោកលោកវរៈសេនីយ៍ត្រីជាពិសីបានបញ្ជាក់ឲ្យដឹងទៀតថា ក្នុងគ្រោះធម្មជាតិនេះកំលាំងអាវុធហត្ថកំពុងដុតដៃដុតជួយសម្រួលទីជ្រកស្នាក់នៅបណ្តោះអាសន្នដល់ជនរងគ្រោះ ។
លោកក៏បានធ្វើការផ្តាំផ្ញើរដល់ប្រជាពលរដ្ឋនៅតាមជនបទទាំងអស់ត្រូវប្រុងប្រយ័ត្នឲ្យបានខ្ពស់ពេលមានមេឃកំពង់តែភ្លៀងនិងផ្គររន្ទះរត់រកទីជម្រកនិងទីកន្លែងសុវត្ថិភាពជាសវាងត្រូវផ្ទះបាក់សង្កត់និងត្រូវរន្ទះបាញ់៕ គង្គា
