តាមការអង្កេតរបស់ Fox News បានបង្ហាញឲ្យឃើញថា មនុស្សប្រមាណ ៦០% បានឆ្លើយគាំទ្រឲ្យប្រធានាធិបតីអាមេរិក Donald Trump ជួបជាមួយមេដឹកនាំកូរ៉េខាងជើង Kim Jong Un មានត្រឹមតែប្រមាណ ៣០% ដែលប្រឆាំង។
ប្រធានាធិបអាមេរិក Donald Trump
ស្ថានីយ៍ Fox ឲ្យដឹងបន្ថែមថា ក្រុមអ្នកដែលធ្វើការអង្កេតសង្ឃឹមថា លោក Trump នឹងបញ្ចប់ជំនួបខាងលើជាមួយការព្រមព្រៀងជាវិជ្ជមានមួយ។
តួលេខលំអិតក្នុងការអង្កេតរបស់ Fox News បង្ហាញឲ្យឃើញថា ៤២% នៃអ្នកដែលត្រូវបានសួរឆ្លើយថា លោក Trump នឹងទទួលបានប្រយោជន៍ជាវិជ្ជមានក្រោយជំនួប ខណៈដែល ២៦% ឆ្លើយថា លោកគីម ជុងអ៊ុន និងពេញចិត្តពេញថ្លើម ហើយ ១៩% ចាត់ទុកថា ពុំមានអ្វីបំពេញចិត្តបានទាំងសងខាងឡើយ។
អ្នកចូលរួមឆ្លើយក្នុងការអង្កេតខាងលើ ក៏បានលើកឡើងថា កូរ៉េខាងជើង នឹងគ្មានពេលណាអាចបោះបង់ចោលកម្មវិធីអាវុធនុយក្លេអ៊ែរទេ តួលេខដែលអះអាងខាងលើ មានអត្រា ៧២% ។
ពួកគេក៏បានផ្តល់ពិន្ទុរអសកម្មសម្រាប់លោក Trump ក្នុងដំណោះស្រាយបញ្ហាកូរ៉េខាងជើង ។ មានតែ ៤១% ថា លោក Trump កំពុងមានដំណោះស្រាយល្អចំពោះកូរ៉េខាងជើង ខណៈពេលដែលមានដល់ទៅ ៤៩% អះអាងថា ប្រធានាធិបតីអាមេរិក ពុំទាន់ធ្វើបានជាដុំកំភួនឡើយ។
ទោះយ៉ាងណានេះជាសញ្ញាសកម្មសម្រាប់សេតវិមាន ខណៈពេលដែលរដ្ឋការលោក Trump កំពុងត្រៀមរៀបចំសម្រាប់ជំនួបមួយរវាងប្រទេសទាំងពីរ ដែលត្រូវបានពិភពលោកចាត់ទុកថាជារបត់សំខាន់សម្រាប់ដំណោះស្រាយបញ្ហានុយកក្លេអ៊ែរលើឧបទ្វីបកូរ៉េ។
បើនិយាយពីគណបក្សវិញ អ្នកគាំទ្រខាងគណបក្សប្រជាធិបតេយ្យមានប្រមាណ ៨៤% គាំទ្រឲ្យលោកត្រាំជួបជាមួយលោក Kim Jong Un ក្នុងពេលដែលភាគីអ្នកគាំទ្រគណបក្សប្រជាធិតេយ្យមានអត្រាគាំទ្រ ៤៤% ប៉ុណ្ណោះ ។
លើផែនសេដ្ឋកិច្ចលោកត្រាំ ត្រូវបានឲ្យតម្លៃថា ជាមេដឹកនាំទទួលបានជោគជ័យ ដោយមានអ្នកគាំទ្រ ៥១% ថា លោកកំពុងនាំប្រយោជន៍ដល់សេដ្ឋកិច្ចអាមេរិក ខណៈពេលដែលអ្នកប្រឆាំងនឹងមតិនេះ មានតែ ៤៤% ប៉ុណ្ណោះ។
បើពិនិត្យជាទូទៅសមាមាត្រគាំទ្រលោកត្រាំ លើសពី ៤៥% ខណៈពេលដែលអ្នកពុំគាំទ្រគឺ ៥២% ៕ សូយន
