កាលពីយប់ថ្ងៃ ២៤ ខែមីនា នៅរដ្ឋធានីបាងកក ប្រទេសថៃ បានផ្ទុះឡើងនូវបាតុកម្មធំមួយ ដោយអំពាវនាវឲ្យកងទ័ពថៃ “អព្យាក្រឹត្យ” នឹងទាមទារឲ្យរដ្ឋាភិបាលព្រមទាំងក្រុមប្រឹក្សាជាតិ ដើម្បីសន្តិភាព និងសណ្តាប់ធ្នាប់ (NCPO) ដំណើរការបោះឆ្នោតក្នុងឆ្នាំ ២០១៨ ។
ក្រុមបាតុករនៅបានប្រកាសថា គេនឹងបន្តដំណើរព្យុះហយាត្រាមួយ ដែលមានមនុស្សចូលរួមច្រើនជាងមុននៅខែឧសភា ប្រសិនបើសំណូមពររបស់ពួកគេពុំត្រូវបានឆ្លើយតបនោះ ។
ក្រុមបាតុករបានប្រមូលផ្តុំគ្នានៅទីលានសកលវិទ្យាល័យ Thammasat បន្ទាប់មកចេញដំណើរទៅកាន់ទីស្នាក់ការអគ្គបញ្ជាការទ័ពថ្មើរជើងថៃ ដើម្បីសំណូមពរកងទ័ពឲ្យបញ្ចប់ការគាំទ្រ NCPO បង្កសម្ពាធដើម្បីឲ្យមានការបោះឆ្នោតសកលប្រព្រឹត្តទៅនៅខែ វិច្ឆិកា ឆ្នាំនេះ ដូចដែលនាយករដ្ឋមន្ត្រី ប្រាយុទ្ធ ចាន់អូចារ និងជាប្រធាន NCPO ធ្លាប់បានប្រកាសមុននោះ។
ភ្នាក់ងារសន្តិសុខត្រូវបានដាក់ពង្រាយដើម្បីរក្សាសណ្តាប់ធ្នាប់នៅខាងក្រៅទីស្នាក់ការទ័ពជើងគោកថៃ នៅយប់ថ្ងៃ ២៤ ខែមីនា មេក្លោងនៃក្រុមស្តារប្រជាធិបតេយ្យ (RDG) Rangsiman Rome ឲ្យដឹងថា ក្រុមរបស់ខ្លួន NCPO បញ្ចប់សកម្មភាព ដោយគ្រាន់តែរក្សាទុកតួនាទីជារដ្ឋាភិបាលបណ្តោះអាសន្នដើម្បីជំរុញឲ្យមានការបោះឆ្នោតថ្មី ។
តាមលោក Rangsiman ប្រជាពលរដ្ឋ ហើយនិងក្រុមប្រជាពលរដ្ឋដែលចង់ឲ្យមានការបោះឆ្នោតប្រព្រឹត្តទៅកំពុងអំពាវនាវឲ្យកងទ័ពបញ្ចប់ការគាំទ្រ NCPO ដកខ្លួនចេញពីឆាកនយោបាយក៏ដូចជាចាកចេញចោលពីភារកិច្ចដឹកនាំប្រទេស វិលត្រឡប់ទៅដើរតួនាទី “អព្យាក្រឹត្យ” របស់ខ្លួនវិញ ។ RDG ក៏បានអំពាវនាវឲ្យរដ្ឋាភិបាល និង NCPO គោរពព្រមទាំងពិនិត្យឲ្យបានម៉ត់ចត់ស៊ីជម្រៅនូវសំណើររបស់ពួកគេ ព្រោះថា សំណូមពររបស់ក្រុមនេះ គឺជា “ច្រកចេញសម្រាប់សង្គមថៃបច្ចុប្បន្ន” ។
ក្រោយរដ្ឋប្រហារឆ្នាំ 2014 បានប្រកាសកាលបរិច្ឆេទ រៀបចំការបោះឆ្នោតសកលជាច្រើនលើកច្រើនសារ ប៉ុន្តែការកំណត់ទាំងនោះបានត្រូវពន្យារពេលជាបន្តបន្ទាប់ ។ មជ្ឈដ្ឋានអ្នកសង្កេតការណ៍នយោបាយនៅប្រទេសថៃសន្និដ្ឋានថា គ្រោងគម្រោងបោះឆ្នោតប្រព្រឹត្តទៅនៅខែ 2/2019 នឹងអាចបន្តអូសបន្លាយបន្តទៀត ៕ សូយន