មនុស្សយ៉ាងហោចណាស់ចំនួន ៣៧នាក់ បានស្លាប់ក្នុងភ្នក់ភ្លើង បន្ទាប់ពីអគ្គិភ័យបានលេបត្របាក់ផ្សារទំនើបមួយស្ថិតក្នុងទីក្រុង Kemerovo ប្រទេសរុស្ស៊ី។ នេះបើតាមការចេញផ្សាយរបស់ CNNនៅថ្ងៃច័ន្ទនេះ។
បើតាមភ្នាក់ងារសារព័ត៌មានរដ្ឋ រុស្ស៊ីឈ្មោះ Tass បានរាយការណ៍ថា អគ្គិភ័យបានបានចាប់ផ្តើមឆាបឆេះនៅជាន់ទី ៤ នៃអគារផ្សារទំនើប Winter Cherry នៅថ្ងៃអាទិត្យម្សិលមិញនេះ និងបានបំផ្លាញផ្ទៃក្រឡាអស់ ១.៦០០ មែត្រការ៉េ។
ក្នុងហេតុការណ៍នោះដែរ ក៏មានមនុស្សចំនួន ៦៩ នាក់ ផងដែរបានបាត់ខ្លួន ដែលក្នុងចំណោមនោះមាន ៤០ នាក់ ជាកុមារ។
មនុស្សចំនួន ២០ ត្រូវបានគេជួយសង្គ្រោះចេញពីអគារកើតហេតុ ហើយមនុស្ស ១០០ នាក់ទៀត ត្រូវបានគេជម្លៀសចេញ៕ សុភ័ក្ត្រ