ស្ត្រីជនជាតិជប៉ុនម្នាក់អាយុ ៨៨ឆ្នាំ ទើបទទួលបានសញ្ញាប័ត្រថ្នាក់បណ្ឌិតពីសកលវិទ្យាល័យមួយក្នុងទីក្រុង ក្យូតូ (Kyoto) ដែលធ្វើឲ្យលោកយាយក្លាយជាស្ត្រីវ័យចំណាស់បំផុតនៅក្នុងប្រទេសជប៉ុន ដែលទទួលបានសញ្ញាប័ត្របណ្ឌិត។ នេះបើតាមការចេញផ្សាយរបស់សារព័ត៌មានសិង្ហបុរី Channel News Asia នៅថ្ងៃច័ន្ទ ទី ២៦នេះ។
កាសែតជប៉ុន Asahi Shimbun បានរាយការណ៍ថា លោកយាយ Kiyoko Ozeki ដែលទទួលបានសញ្ញាប័ត្រថ្នាក់បណ្ឌិតផ្នែកអក្សរសាស្ត្រពីសកលវិទ្យាល័យ Ritsumeikan University បានរៀនចប់ថ្នាក់បរិញ្ញាប័ត្រ បន្ទាប់ពីធ្វើការស្រាវជ្រាវពីក្រណាត់ដើម្បីបញ្ចប់ថ្នាក់បរិញ្ញាប័ត្រ អស់រយៈពេល ៣០ឆ្នាំ។
នៅពិធីទទួលសញ្ញាប័ត្រកាលពីថ្ងៃអាទិត្យម្សិលមិញ លោកយាយបាននិយាយថា “វាគឺជាកិត្តិយសដ៏ធំ ហើយលោកយាយនឹងចងចាំអនុស្សារីយ៍នេះអស់មួយជីវិត”៕ សុភ័ក្ត្រ