តាម Press TV លោកចន អ្នកដែលទើបត្រូវបានតែងតាំងធ្វើជាទីប្រឹក្សាសន្តិសុខជាតិរបស់ប្រធានាធិបតីអាមេរិក ត្រូវបានគេដឹងថា កំពុងមានផែនការកាត់រំសាយទ្រង់ទ្រាយធំ នូវបុគ្គលិកបម្រើការក្នុងក្រុមប្រឹក្សាសន្តិសុខជាតិ ហើយគោលបំណងរបស់គាត់ គឺសំដៅរំសាយចោលមន្ត្រីនៃសេតវិមានក្នុងទ្រង់ទ្រាយធំ ។
លោក John Bolton ដែលទើបត្រូវបានតែងតាំងធ្វើជាទីប្រឹក្សាសន្តិសុខជាតិរបស់ប្រធានាធិបតីអាមេរិក ដូណាល់ ត្រាំ។
តាមទស្សនាវដ្ឋី Foreign Policy ដែលដកស្រង់ប្រភពព័ត៌មានច្បាស់ការណ៍នេះថា លោក Bolton “បានត្រៀមបោសសំអាតផ្ទះ” ហើយរំសាយចោលនូវបុគ្គលនយោបាយត្រូវបានអ្នកកាន់ការមុនលោក H.R. McMaster តែងតាំង។
ប្រធានាធិបតី ត្រាំ និងលោក Bolton មានទស្សនៈរួមគ្នាចំពោះគោលនយោបាយការទូតល្មោភសង្គ្រាម ពិសេសបញ្ហាកូរ៉េខាងជើង និងអ៊ីរ៉ង់ ហើយក៏ពុំចូលចិត្ត របៀបការទូតពហុភាគី ទោះបីនោះជាអង្គការសហប្រជាជាតិ ឬក៏សហគមន៍អឺរ៉ុបក៏ដោយចុះ ៕ ចន្ទ្រា
