ខេត្តកំពត ៖ យោធាកងទ័ពជើងទឹកម្នាក់ បានផឹកស្រាស្រវឹង បានចាក់សាំងដុតសម្លាប់ខ្លួនឯង ប៉ុនប៉ងធ្វើអត្តឃាត នៅមុខផ្ទះ ក្នុងស្រុកទឹកឈូ ខេត្តកំពត កាលពីម៉ោងជាង៥ល្ងាច ថ្ងៃទី២៥ ខែមីនា ឆ្នាំ២០១៨។
មន្ត្រីអាជ្ញាធរមូលដ្ឋាន បានឲ្យដឹងថា ជនរងគ្រោះឈ្មោះកើត នួន ជាយោធាកងទ័ពជើងទឹកមូលដ្ឋានសមុទ្រផ្នែកត្រែទ័ព។ ពេលកំពុងអង្គុយផឹកស៊ីគ្រឿងស្រវឹង មិនដឹងជាមូលអ្វី ទើបបុរសរូបនេះ យកសាំងមកដុតខ្លួនហើយ ត្រូវបានដឹកបញ្ជូន ទៅសង្គ្រោះ នៅមន្ទីរពេទ្យ ១.៧៩ភ្នំពេញភ្លាមៗ ដោយមានអាការៈធ្ងន់ធ្ងរពេក។
ប៉ុន្តែករណីនេះ អ្នកភូមិនិយាយថា ទំនងជាមានវិបត្តិក្នុងគ្រួសារ ប៉ុន្តែទោះជាយ៉ាងនេះក្តី នៅមិនទាន់មានការបញ្ជាក់អះអាងពីក្រុមគ្រួសារ ឬពីសមត្ថកិច្ច អំពីមូលហេតុដែលនាំបុរសរូបនេះដុតខ្លួនឯងនៅឡើយ៕ ដោយ ៖ បញ្ញាស័ក្តិ
