ដោយមានរាងរៅចម្លែកពេលឃើញវា ធ្វើឲ្យគេនឹកគិតដល់ផ្លែ “ប៉ោមពុល” ក្នុងរឿងព្រេងនិទានព្រះនាងព្រិលស ផលិតផលផ្លែប៉ោមនេះលក់ដាច់បំផុតនារដូវហាឡូវីន។
នៅទីក្រុង លីនជី ទីបេ ដែលមានរយៈកម្ពស់៣១០ម៉ែត្រ ប្រៀបនឹងកំរិតទឹកសមុទ្រនៅសេសសល់ពូជផ្លែប៉ោមដ៏ពិសេសម្យ៉ាង ។ ខុសប្លែកពីផ្លែប៉ោមម្យ៉ាងពណ៌ក្រហមធម្មតា ពូជប៉ោមនេះបែរជាមានពណ៌ខ្មៅ-ស្វាយ ហើយរលោងស្រិល ។
ពូជផ្លែប៉ោមពេជ្រខ្មៅ ដ៏ស្រស់ស្អាតរបស់ទីបេ សីតុណ្ហភាពនៅទីបេ មានភាពលំអៀងគ្នាខ្លាំងរវាងថ្ងៃនឹងយប់ បរិមាណកាំរស្មីពណ៌ស្វាយនៅពេលថ្ងៃខ្លាំង ជាហេតុធ្វើឲ្យសម្បុររបស់ផ្លែប៉ោមប្រែទៅជាពណ៌ខ្មៅ-ស្វាយ ។ សម្បកខាងក្រៅរបស់វាពេលជួបពន្លឺមានរស្មីចាំងផ្លេកៗ។ អាស្រ័យដោយរូបភាពខាងក្រៅគួរឲ្យគយគន់ ហើយកម្រមានផងនោះ ទើបគេដាក់ឈ្មោះវាថា ផ្លែប៉ោមពេជ្រខ្មៅ ។ បច្ចុប្បន្នវាពុំត្រឹមតែជាស្នាដៃនិពន្ធរបស់ធម្មជាតិប៉ុណ្ណោះទេ វានៅត្រូវបានគេអនុវត្តបច្ចេកទេសបង្កាត់ពូជថែមទៀត។
ផ្លែប៉ោមមានពណ៌ក្រហម ពេលស្រគៀល ហើយនឹងប្តូរពណ៌ទៅជាខ្មៅ-ស្វាយពេលវាទុំ
កសិករកំពុងប្រមូលផលផ្លែប៉ោមនៅក្នុងចំការ
នាខែតុលារៀងរាល់ឆ្នាំ ផ្លែប៉ោមនេះនឹងត្រូវបានដាក់លក់នៅលើទីផ្សារ។ រយៈពេលលក់មានត្រឹមអំឡុងពេល២ខែប៉ុណ្ណោះ ។ វាត្រូវបានដឹកជញ្ជូនពីទីបេពីតំបន់ដទៃតាមរយៈផ្លូវអាកាស ហើយដោយសារទីបេនៅឆ្ងាយពិបាកក្នុងការដឹកជញ្ជូនធ្វើឲ្យកម្រៃដឹកជញ្ជូនស្មើនឹង១/៣នៃតម្លៃផ្លែប៉ោម។ ម្យ៉ាងទៀតដោយសារចំនួនរបស់វានៅមានកម្រិតទើបធ្វើឲ្យវាមានតម្លៃខ្ពស់ជាងផ្លែប៉ោមធម្មតា ។
សម្បកផ្លែប៉ោមពេលជួបពន្លឺនឹងចាំងផ្លេកៗ
វាមានក្លិនក្រអូប និងផ្អែមខ្លាំងណាស់
ផ្លែនីមួយៗមានទម្ងន់ជាមធ្យម ២៥០ក្រាម និងតម្លៃ១០ដុល្លារក្នុង១ផ្លែ
ផ្លែប៉ោមពេជ្រខ្មៅ មានក្លិនក្រអូបទាក់ទាញ ស្រួយ និងផ្អែមខ្លាំងណាស់៕ ដោយ ៖ សូយន
