តំណាងរាស្ត្រជាន់ខ្ពស់របស់កូរ៉េខាងជើង និងកូរ៉េខាងត្បូងបានចាប់ដៃគ្នា និងរួមគ្នាពិសារនំប៉័ង និងស្រាទំពាំងបាយជូររបស់ស្វីស កាលពីថ្ងៃទី ២៧ ខែមីនា ម្សិលមិញនេះ ។ វាជាសញ្ញាបង្ហាញឲ្យឃើញពីការរលាយកំណកធ្វើឲ្យជាប់គាំងទំនាក់ទំនងរវាងប្រទេសទាំងពីរមុននេះ -សាក្សីម្នាក់របស់រយទ័របានឲ្យដឹងយ៉ាងដូច្នេះ។
លោក Martin Chungong អគ្គលេខាធិការជនជាតិ Cameroon របស់ IPU បានពិនិត្យឃើញផ្ទាល់ភ្នែកនូវអាកប្បកិរិយាស្និទ្ធស្នាលរវាងមន្ត្រីរដ្ឋសភារបស់មន្ត្រីកូរ៉េទាំងពីរពោលថា ៖ “នេះគឺជាសន្តិភាព ហើយគឺជាការជួបជុំ។ អរគុណសុឆន្ទៈរបស់បណ្តាមិត្ត”។
តំណាងរាស្ត្រជាឥស្សរជននយោបាយ Young Chin ចាប់ដៃជាមួយលោក Ri Jong Hyok អនុប្រធានរដ្ឋសភា និងជានាយកវិទ្យាស្ថានឯកភាពជាតិកូរ៉េខាងត្បូង ឈរសងខាងលោក Martin អគ្គលេខាធិការសម្ព័ន្ធភាពអន្តរសភា “IPU” ក្នុងអង្គប្រជុំរបស់ IPU លើកទី ១៣៨ នៅ Geneva ប្រទេសស្វីស ថ្ងៃទី ២៧ មីនា ២០១៨។
ទំនាក់ទំនងរវាងកូរ៉េទាំងពីរបានប្រសើរឡើងយ៉ាងខ្លាំង ក្រោយពេលដែលកូរ៉េខាងត្បូងបង្ហាញសុឆន្ទៈស្វាគមន៍ចំពោះប្រតិភូកីឡា និងសិល្បៈរបស់កូរ៉េខាងជើង ចាប់តាំងពីអូឡាំពិករដូវរងា Pyong Chang ។
ភាពស្និទ្ធស្នាលរវាងមន្ត្រីទាំងពីរខាងលើនៅបានបង្ហាញច្បាស់ខណៈពេលដែល Chin និង លោក Ri បានខ្វែងដៃគ្នាផឹកស្រា។ លោក ជូណុង បន្តប្រាប់ថា “វាពិតជានិមិត្តរូបនៃការសម្រេចចិត្តជម្រុញចំណងទាក់ទងរវាងភាគីទាំងសងខាង… IPU ត្រៀមធ្វើជាស្ពានតភ្ជាប់សម្រាប់ការឯកភាពរវាងប្រទេសទាំងពីរ ។
នៅថ្ងៃ ២៦ ខែមីនា លោក Ri បានថ្លែងសុន្ទរកថា ក្នុង IPU ថា យើងមានបំណងជម្រុញទំនាក់ទំនងរវាងកូរ៉េទាំងពីរឲ្យបានប្រសើរជាង និងទទួលបានការគាំទ្ររបស់អន្តរជាតិ និងអំពាវនាវឲ្យអាមេរិកផ្អាកការអនុវត្តបណ្តាវិធានការដាក់ទណ្ឌកម្ម និងការបង្កើនសម្ពាធ។
លោក Chin និយាយទៅកាន់លោក Ri ថា ខ្ញុំគិតថានៅជំនួបលើកក្រោយយើងនឹងទទួលបានជំហានធំធេងជាងនេះទៀត៕ សូយន