យុវតីកាណាដាម្នាក់ បានត្រូវឆ្នោតរង្វាន់ធំ បន្ទាប់ពីនាងបានទិញឆ្នោតកោសមួយសន្លឹក ដើម្បីអបអរខួបកំណើតរបស់ខ្លួនឈានចូលអាយុ ១៨ឆ្នាំ កាលពីថ្ងៃទី ១៤ ខែមីនាកន្លងទៅនេះ។
យុវតីនេះ នេះពិតមានសំណាងខ្លាំងមែនទែនព្រោះវាគឺជាការទិញឆ្នោតលើកដំបូងរបស់នាង ហើយនាងក៏ត្រូវរង្វាន់ធំតែម្តង។ នេះបើតាមការចុះផ្សាយរបស់សារព៌តមានអង់គ្លេស BBC។
ស្ត្រីវ័យក្មេងមានសំណាងនេះ ឈ្មោះ Charlie Lagarde មកពីខេត្ត Quebec ប្រទេសកាណាដា។
នាងឈ្នះរង្វាន់ធំ ហើយក្រុមហ៊ុនបានផ្តល់ជម្រើស ២ដល់នាង៖ ១ គឺនាងអាចយកទឹកប្រាក់សរុប១លានដុល្លារកាណាដា (ស្មើ ៧៨០.០០០ដុល្លាអាមេរិច) និងទី ២ នាងអាចយក ១.០០០ដុល្លាជារៀងរាល់អាទិត្យ ក្នុងរយៈពេលមួយជីវិត។
ក្រោយពេលពិគ្រោះជាមួយនឹងអ្នកប្រឹក្សាផ្នែកហិរញ្ញវត្ថុរួច ស្ត្រីមានភ័ព្វសំណាងនេះ បានជ្រើសរើសយកជម្រើសទី ២គឺ យក ១.០០០ដុល្លារជារៀងរាល់សប្តាហ៍។ ជម្រើសនេះ ធ្វើឲ្យនាងមិនចាំបាច់បង់ពន្ធនោះទេ។
នាងនិយាយថា នាងចង់ប្រើលុយនោះដើម្បីដើរលេង និងសម្រាប់ផ្គត់ផ្គង់ការសិក្សារបស់នាង៕ សុភ័ក្ត្រ