រដ្ឋសភាមីយ៉ានម៉ា នៅថ្ងៃពុធនេះ បានធ្វើការបោះឆ្នោតជ្រើសរើស លោក Win Myint ធ្វើជាប្រធានាធិបតីដឹកនាំប្រទេស។ នេះបើតាមការចេញផ្សាយរបស់សារព៌តមានសិង្ហាបុរី Channel News Asia។
លោក Win Myint ជាសមាជិកបក្សកាន់អំណាច ដែលស្មោះស្ម័គ្រខ្លាំងចំពោះមេដឹកនាំមីយ៉ានម៉ា គឺអ្នកស្រី អ៊ុងសាន ស៊ូជី។
លោក Win Myint ទទួលបានការគាំទ្រចំនួន ៤០៣សម្លេង ក្នុងចំណោម ៦៣៦សម្លេង។ គូបដិបក្ស២នាក់របស់លោក ឈ្មោះ Henry Van Thio ទទួលបានការគាំទ្រ ១៨សម្លេង និង Myint Swe បាន ២១១សម្លេង។
សូមបញ្ជាក់ថា ការបោះឆ្នោតជ្រើសរើសមេដឹកនាំថ្មីនោះ ធ្វើឡើងក្រោយពេល ពេលលោក Htin Kyaw បានលាលែង
ពីដំណែងកាលពីអាទិត្យមុន៕ សុភ័ក្ត្រ