បន្ទាយមានជ័យ ៖ នាយ នាយទាហានរង ពលទហានជំនាញរថក្រោះ រថពាសដែករថក្រោះ រថពាសដែក ប្តេជ្ញាស្មោះត្រង់ឥតងាករេចំពោះរាជរដ្ឋាភិបាលរបស់សម្តេចតេជោ ។
ពួកគេអះអាងបែបនេះពេលបញ្ចប់វគ្គហ្វឹកហ្វឺននៅបញ្ជាការដ្ឋានរថក្រោះទិសយោធភូមិភាគទី៥ ស្រុកព្រះនេត្រព្រះខេត្តបន្ទាយមានជ័យកាលពីថ្ងៃទី២៧ ខែមីនា ឆ្នាំ២០១៨ ។
នាយទាហាន ដែលក្នុងនាមលោកឧត្តមសេនីយ៍ទោ កែវ សេងឡាយ មេបញ្ជាការរងបញ្ជការដ្ឋានរថក្រោះប្រចាំទិសយោធភូមិភាគទី៥ ស្រុកព្រះនេត្រព្រះអោយដឹងថា ៖ ផែនការហ្វឹកហ្វឺន បំប៉នការងារសេនាធិការ ការងារបច្ចេកទេស ជំនាញរថក្រោះ រថពាសដែក បណ្តុះបណ្តាលរថក្រោះ រថពាសដែកនិងគរុកោសល្យគ្រូប្រចាំឆ្នាំ២០១៧ នេះធ្វើឡើងតាមសច្ចាប័នចុះថ្ងៃទី១៦ខែមេសាឆ្នាំ២០១៧ ដោយប្រើប្រាសថវិកាជាតិពីអគ្គនាយកដ្ឋានភស្តុភារនិងហិរញ្ញវត្ថុក្រសួងការពារជាតិនិងនាយកដ្ឋាន ផ្នែកពាក់ព័ន្ធនោះ វគ្គនេះមានរយ:ពេលហ្វឹកហ្វឺន៩០ថ្ងៃ គឺពីថ្ងៃទី២០ខែមករាឆ្នាំ២០១៨ដល់៣១មីនាឆ្នៃ២០១៨នេះ ដោយមានសមាសភាពរួម ១៦៥នាក់ ក្នុងនោះមានគណកម្មការដឹកនាំការងារហ្វឹកហ្វឺន ១១នាក់ នាយទហានគ្រប់គ្រង ក្រុមយោធាចារ្យនិងក្រុមធានា ៣១នាក់ និងកម្មសិក្សាការី ១២៣នាក់ដែលមកពីកងអនុសេនាធំទី១នៃបញ្ជាការដ្ឋានរថក្រោះនិងកងអនុសេនាធំលេខទី២នៃបច្ចេកទេសនិងបើកបររថក្រោះ។
លោកបន្តថា ៖ ខ្លឹមសារហ្វឹកហ្វឺនរួមមានទី១- មុខវិជ្ជាទូទៅដូចជាសញ្ញាសម្គាល់យោធា ឋាមលេខានិងGPS វិស្វកម្ម អប់រំចិត្តសាស្ត្រ លំហាត់របៀបនិងទី២- មុខវិជ្ជាជំនាញរថក្រោះ. ដូចជាយុទ្ធវិធី សព្វាវុធរថក្រោះ បច្ចេកទេស បើកបរ វិទ្យុទាក់ទងរថក្រោះ។ ហើយលើកការងារធានា បានប្រើប្រាសគ្រឿងចក្រ រថក្រោះធុនT 55 ចំនួន៩គ្រឿង រថពាស់ដែក៦គ្រឿង រថយន្តដឹកជញ្ជូន រថយន្តជួសជុលនិងរថយន្តស៊ីទែន ៦គ្រឿង។
ជាលទ្ធផលវគ្គហ្វឹកហ្វឺនលើការងាររៀនសូត្រលើកគ្រប់វិជ្ជាខាងលើគឺបានស្នាដៃរួម គ្រាន់បើ ភាគច្រើន ពោលគឺក្នុងចំណោមចំណាត់ថ្នាក់និទ្ទេស ពូកែ គ្រាន់បើនិងមធ្យមនោះ។ ហើយក៏ពិនិត្យ លើកកម្ពស់បន្តនិងកែលម្អចំណុចខ្លាំង ចំណុចខ្សោយមួយចំនួននៅចំពោះមុខនិងពេលខាងមុខ។
តំណាងកម្មសិក្សាការីវគ្គហ្វឹកហ្វឺននេះបានប្តេជ្ញាចិត្តថា នឹងបន្តកសាងខ្លួនក្លាយជាយោធិនដ៏ល្អ។ស្មោះត្រង់ចំពោះជាតិ មាតុភូមិ និងហ៊ានពលិកម្មដើម្បីការពាររដ្ឋធម្មនុញ្ញ ព្រះមហាក្សត្រ។គោរពវិន័យបទបញ្ជា ….ក៏ដូចជាស្មោះត្រង់ឥតងាករេចំពោះរាជរដ្ឋាភិបាលនិងសម្តេចតេជោ នាយករដ្ឋមន្ត្រី។
លោកសួន បវរ អភិបាលខេត្តបន្ទាយមានជ័យមានប្រសាសន៍ថា: កងកម្លាំងរថក្រោះ រថពាសដែកមានប្រវត្តិស្នាដៃពលិកម្ម ប្តូរផ្តាច់ និងតួនាទី ភារកិច្ចកន្លងមកនិងបន្តដ៏សំខាន់ក្នុងខឿនការពារជាតិ ការពាររដ្ឋ រាជរដ្ឋាភិបាលនិងពលរដ្ឋ ហើយជាកម្លាំងខ្នងបង្អែកអោយកម្លាំងផ្សេងៗទៀតក្នុងទិសជួរមុខនិងសមរភូមិនៅពេលណាមានការប្រយុទ្ធកើតឡើងដែរ។
លោកបន្តថា ៖ កន្លងមកនិងទៅខាងមុខ កងរថក្រោះក៏ដូចកងទ័ពដទៃទៀតត្រូវតែបន្តកសាងខ្លួនជាមួយចំណេះជំនាញដែលច្បាស់លាស់ តឹងរឹងចំពោះវិន័យនិងបទបញ្ជា ប៉ុន្តែទន់ភ្លន់ ធ្វើល្អចំពោះប្រជាពលរដ្ឋ។
ក្នុងនោះលោក ក៏បានលើកឡើងនូវលទ្ធផលល្អមួយក្នុងចំណោមលទ្ធផលជាច្រើនដែលអង្គឯកភាពបញ្ជការដ្ឋានរថក្រោះទិសយោធភូមិទី៥ ប្រចាំនៅស្រុកព្រះនេត្រព្រះនេះធ្វើបានគឺសម្របសម្រួលនិងដោះស្រាយដោយសន្តិវិធី ប្រើយុទ្ធសាស្ត្រឈ្នះឈ្នះ ដោះ ស្រាយវិវាទដីធ្លីរាប់រយហិចតាជាបន្ទាយខ្លួនជាមួយបងប្អូនប្រជាពលរដ្ឋនិងអាជ្ញាធរមូលដ្ឋានបានសម្រេចល្អ រលូន១០០ភាគរយ។
លោកឧត្តមសេនីយ៍ឯក ឡាញ់ កៅ នាយរងសេនាធិការចម្រុះ មេបញ្ជាការបញ្ជាការដ្ឋានរថក្រោះ និងក្នុងនាមតំណាងអគ្គមេបញ្ជាការបានសាទរ កោតសរសើរដល់មេបញ្ជការរងបញ្ជាការដ្ឋានរថក្រោះ ទិសយោធភូមិភាគទី៥ នាស្រុកព្រះនេត្រព្រះនិងនាយ នាយរងទាហាន គណកម្មការដឹកនាំ នាយទាហានគ្រប់គ្រងវគ្គ យោធាចារ្យ ក្រុមធានា និងកម្មសិក្សាការីពាក់ព័ន្ធដែលខិតខំនាំមកលទ្ធផលហ្វឹកហ្វឺនដូច្នេះ។
ឧត្តមសេនីយ៍ ឡាញ់ កៅ បានដាក់បញ្ជា ក៏ដូចជាណែនាំបន្ថែមជាច្រើនទាំងលើលើមេរៀនទ្រឹស្តី មេរៀនអនុវត្តជាក់ស្តែង ហើយដែលអាចដកស្រង់បានបទពិសោធន៍មួយចំនួនដូចជា : យុទ្ធវិធីវាយលុក ត្រៀមការពារ កាំភ្លើងលើករថក្រោះ ប្រើប្រាសបាញ់ដោយប្រព័ន្ធស្ថេរភាព និងបាញ់ប្លោងរបស់រថក្រោះដើម្បីឆ្លើយតបតាមកាល:ទេស:ការរីកចម្រើនក្នុងកងទ័ពជំនាញរថក្រោះ រថពាសដែក។
ហើយចំពោះមុខនិងទីខាងមុខ ការហ្វឺកហ្វឺននិងការបំប៉នទាំងមេរៀនដដែលៗ ទាំងមេរៀនស្រាវជ្រាវ ធ្វើបច្ចប្បន្នភាពថ្មីត្រូវតែធ្វើជាប្រចាំទើបកងកម្លាំងយើងអាចមានសមត្ថភាព លទ្ធភាពទ្រោលសភាពការណ៍ការពារផ្ទៃក្នុងទាំងរដ្ឋធម្មនុញ្ញ ព្រះមហាក្សត្រ រាជរដ្ឋា ភិបាល ប្រជាជននិងផ្ទៃខាងក្រៅគឺការពារជាតិ មាតុភូមិ បូរណភាពទឹកដីបានល្អ៕ ដោយ ៖ បន្ទាយ
