កណ្តាល ៖ នគរបាលស្រុកស្អាង បានឲ្យដឹងថា ព្រោះតែឥទ្ធិពលនៃការប្រើប្រាស់គ្រឿងញៀន លទ្ធផលនារីម្នាក់ត្រូវគេរំលោភបូក យ៉ាងព្រៃផ្សៃ ហើយបន្ទាប់ពីកើតហេតុ ជនសង្ស័យម្នាក់ត្រូវបានចាប់ខ្លួន និងបក្ខពួកម្នាក់ទៀតកំពុងរត់គេចខ្លួន។ ពួកគេទាំងបីនាក់ បាននាំគ្នាលួចជក់គ្រឿងញៀន នៅក្នុងព្រៃ ទើបបណ្តាលឲ្យកើតមានរឿង រហូតឈានដល់ការសេពសន្ថវៈ ធ្វើឲ្យនារីរងគ្រោះ អស់កម្លាំង មិនអាចមកដើរមកផ្ទះវិញបាន និងត្រូវបញ្ជូនទៅសង្គ្រោះនៅមន្ទីរពេទ្យរុស្ស៊ី។ ជនសង្ស័យត្រូវបានចាប់ខ្លួន កាលពីថ្ងៃទី២៨ ខែមីនា ឆ្នាំ២០១៨ នៅខេត្តកណ្តាល។
នគរបាលបានបញ្ជាក់ថា ករណីនេះកើតហេតុថ្ងៃអង្គារទី ២៧ ខែ មីនា ឆ្នាំ ២០១៨ វេលាម៉ោង ២២នៅចំណុចអូរអណ្តែង (ព្រៃអូយយ៉ាស់) ស្ថិតក្នុងភូមិ ព្រែកត្រែង ឃុំសិត្បូ ស្រុកស្អាង ខេត្តកណ្តាល។ ជនរងគ្រោះ ឈ្មោះ ស រ ន ហៅអា ម ភេទស្រី អាយុ ២៥ឆ្នាំ ជនជាតិខ្មែរ មុខរបរកម្មការិនី មានទីលំនៅភូមិកំពង់ព្រីង ឃុំសិត្បូ ស្រុកស្អាង ខេត្តកណ្តាល។ ជនសង្ស័យ ៖ ចំនួន ២នាក់ ៖ឈ្មោះ រ៉ុម ម៉ូលីកា ហៅអូន ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកំពង់ព្រីង ឃុំសិត្បូ ស្រុកស្អាង ខេត្តកណ្តាល ជាមុខសញ្ញាជួញដូរគ្រឿងញៀន ឃាត់ខ្លួន និង ឈ្មោះ ខុន រតនា ភេទប្រុស អាយុ ២៥ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិ ព្រែកត្រែង ឃុំសិត្បូ ស្រុកស្អាង ខេត្តកណ្តាល ដែកកំពុងគេចខ្លួន។ ក្នុងពេលឃាត់ខ្លួន សមត្ថកិច្ចដកហូតវត្ថុតាងរួមមាន ៖ អាវុធច្នៃ ចំនួន ១ដើម (ជារបស់ឈ្មោះ ខុន រតនា)ស្រោមអនាម័យប្រើរួចចំនួន ២ (មានទឹកកាមចំនួន ១ , គ្មានទឹកកាមចំនួន ១) កញ្ចប់ស្រោមអនាម័យចំនួន៣ កញ្ចប់ប្រេងរំអិល ចំនួន ១កញ្ចប់ សម្បកកំប៉ុងទឹកចាហ៊ួយ ចំនួន ១និងសម្បកដបភេសជ្ជៈសាំម៉ូរ៉ៃចំនួន១បន្សល់ទុកនៅកន្លែងកើតហេតុ ។
នគរបាលស្រុកស្អាង បាននិយាយពីរឿងហេតុករណីនេះថា ៖ នៅថ្ងៃខែឆ្នាំវេលាម៉ោងកើតហេតុខាងលើ ឈ្មោះ រ៉ុម ម៉ូលីកា ជាអ្នកកាន់ដាវ និងឈ្មោះ ខុន រតនា ជាអ្នកកាន់អាវុធច្នៃ បានបបួលជនរងគ្រោះ ទៅប្រើប្រាស់គ្រឿងញៀន នៅចំណុចកើតហេតុខាងលើ។ លុះពេលទៅដល់ អ្នកទាំង៣ បានជក់គ្រឿងញៀនប្រភេទម៉ាទឹកកក ចំនួន ១កញ្ចប់តូច រួចហើយទើបឈ្មោះ រ៉ុម ម៉ូលីកា បានរំលោភសេពសន្ថវៈ លើជនរងគ្រោះ រយៈពេល១០នាទី ដោយមិនចេញទឹកកាមឡើយ បន្ទាប់មកឈ្មោះ ខុន រតនា បានរំលោភសេពសន្ថវៈបន្ថែមទៀត បានសម្រេចបំណង រួចក៏បែកគ្នាមកផ្ទះមុនជនរងគ្រោះ ។
ចំណែកនារីរងគ្រោះ មកផ្ទះមិនរួចក៏នៅកន្លែងកើតហេតុ រហូតដល់វេលាម៉ោង ៣ ទៀបភ្លឺ ថ្ងៃទី២៨ខែមីនាឆ្នាំ២០១៨ ទើបនាង បានទូរស័ព្ទមកម្តាយឈ្មោះ នួន សាន ដើម្បីទៅទទួលខ្លួនមកផ្ទះវិញ ។
នៅវេលាម៉ោង ៥ល្ងាច ថ្ងៃខែឆ្នាំដដែល ទើបសមត្ថកិច្ចនគរបាលប៉ុស្តិ៍សិត្បូ ទទួលបានព័ត៌មានខាងលើ ចុះអន្តរាគមន៍ ដល់កន្លែងកើតហេតុ ធ្វើការឃាត់ខ្លួនឈ្មោះ រ៉ុម ម៉ូលីកា រីឯឈ្មោះ ខុន រតនា បានគេចខ្លួនបាត់ ចំណែកជនរងគ្រោះបានសង្គ្រោះបន្ទាន់ នៅមន្ទីរពេទ្យ មិត្តភាពខ្មែររុស្សី ។
បច្ចុប្បន្ន ជនសង្ស័យបានឃាត់ខ្លួន នៅអធិការដ្ឋាននគបាលស្រុកស្អាង ដើម្បីបន្ដអនុវត្តតាមនីតិវីធី ៕ ដោយ៖បញ្ញាស័ក្តិ
