ប៉ូលីសបានចាប់ផ្តើមស្វែងរកអ្នករត់ម៉ូតូឌុបម្នាក់ បន្ទាប់ពីទទួលពាក្យបណ្តឹងពីស្ត្រីភ្ញៀវទេសចរទួគគីម្នាក់ អំពីការរំលោភបំពានផ្លូវភេទ និងប្លន់ទ្រព្យសម្បត្តិរបស់នាង ។
ស្ត្រីទេសចរជនជាតិទូគគីអាយុ ២៦ ឆ្នាំ ត្រូវបានមន្ត្រីប៉ូលីសម្នាក់រកឃើញកំពុងអង្គុយនៅកណ្តាលផ្លូវ នៅ Bangwad Dam កាលពីថ្ងៃទី២៦ មីនា ខណៈគាត់កំពុងហាត់ប្រាណ ។
ស្ត្រីរងគ្រោះបានអះអាងថា នាងធ្វើដំណើរដោយជិះម៉ូតូឌុបពី Soi Nanai នៅវេលាម៉ោងប្រហែល ៣ ព្រឹក ដើម្បីវិលត្រលប់ទៅកាន់បន្ទប់សណ្ឋាគាររបស់នាវវិញនៅ Patong ។ ប៉ុន្តែ អ្នកម៉ូតូឌុបនោះបានបែរជាដឹកនាំចុះពីភ្នំ Patong ទៅកាន់ទំនប់មួយ និងព្យាយាមរំលោភបំពានផ្លូវភេទ និងបន្ទាប់មក ក៏បានប្លន់យកទ្រព្យសម្បតិ្តរបស់នាងតែម្តង ។
បន្ទាប់ពីឆេកកាមេរ៉ាសន្តិសុខ បំពាក់នៅតាមបណ្តោយផ្លូវពី Patong ទៅកាន់ Kathu និងរួមជាមួយភស្តុតាងដទៃទៀត ប៉ូលីសបានរកឃើញថា បុរសនោះ ពិតជាអ្នករត់ម៉ូតូឌូបនេះប្រចាំនៅសណ្ឋាគារមួយ នៅ Kathu ហើយរូបគេជាគឺជារត់ម៉ូតូក្រៅម៉ោង ។ឮ
បុរសនេះត្រូវបានចាប់ខ្លួន និងនាំខ្លួនទៅកាន់បន្ទប់ស្នាក់នៅរបស់គាត់ ដើម្បីឆែកឆេររបស់របរដែលបានលួច បន្ទាប់ទៅកាន់កន្លែងដែលរូបគេបានបោះកាបូបរបស់ខ្លួនចោល ។
ម៉ូតូរបស់បុរសនេះ ត្រូវបានរឹបអូស ហើយគាត់ក៏ត្រូវបាននាំទៅកាន់ប៉ុស្តិ៍ប៉ូលីស Kathu ដើម្បីសាកសួរនាំបន្ថែមទៀត ។
ទោះយ៉ាងណា នៅទីបំផុត បុរសរូបនេះបានសារភាពថា រូបគេពិតជាបានប្រព្រឹត្តទង្វើដូចការចោទប្រកាន់នេះពិតប្រាកដមែន ។ ប៉ូលីសបន្ទាប់មក ក៏បាននាំខ្លួនបុរសនេះទៅចង្អុលបង្ហាញពីសកម្មភាពរបស់គេបានប្រព្រឹត្តនៅកន្លែងកើតហេតុ ។
ស្ត្រីរងគ្រោះរងគ្រោះនោះ បាននិយាយថា នៅក្នុងហេតុការណ៍នេះ នាងបានបាត់បង់កាបូប ដែលក្នុងមានទូរស័ព្ទ iPhone 6s ១គ្រឿង, លុយ ៤,០០០ បាត និងកាតធនាគារផងដែរ ៕ ចន្ទី
