កំពង់ស្ពឺ ៖ លំហាត់សមយុទ្ធនាគមាស ដែលហ្វឹកហ្វឺនរួមគ្នាជាមួយភាគីចិននៅទីលានកងពលតូចលេខ៧០ តំបន់ភ្នំធំម្រះព្រៅ បាន បញ្ចប់។ ពិធីបិទប្រព្រឹត្តទៅក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រីនិងជារដ្ឋមន្ត្រីក្រសួងការពារជាតិ ក្រោមប្រធានបទ«រួមគ្នាប្រឆាំងភេរវកម្មនិងការងារមនុស្សធម៌»ជាមួយនិងកងទ័ពចិន ចាប់តាំងពីថ្ងៃទី១៥ រហូតដល់ថ្ងៃទី២៩ ខែមីនា ឆ្នាំ២០១៨ និងក្រោមអធិបតីភាព លោក ចូវ សុងហីវ តំណាងកងទ័ពរំដោះប្រជាជនចិន ។
សម្តេចពិជ័យសេនា បានលើកឡើងថា«លំហាត់នាគមាសឆ្នាំ២០១៨« នេះ គឺក្នុងការបំពេញបេសកកម្មប្រឆាំងភេរវកម្ម ដែលបានហ្វឹកហ្វឺនការសម្ដែង ដូចជាហោះបាញ់ការហោះទម្លាក់ទ័ពតាមឧទ្ធម្ភាគចក្រ ស៊ើបការដោយប្រើបច្ចេកវិទ្យាទំនើបរាវមីន ដោះមីននិងកម្ទេកយុទ្ធភ័ណ្ឌមិនទាន់ផ្ទុះបន្សាបសារធាតុគីមី និងកិច្ចការងារមនុស្សធម៌ រៀបចំកីឡាមិត្តភាព និងសម្ដែងសិល្បៈរវាងកងទ័ពទាំងពីរ ការសម្ដែងក្បាច់គុណ ការផោតឆ័ត្រ ជាពិសេសប្រើប្រាស់កម្លាំងរថពាសដែក ចំនួន៣ គ្រឿង និងកាំភ្លើងត្រាល់បាញ់ដោយកងទ័ពថ្មើរជើងកងពលតូចលេខ៧០ ការហ្វឹកហ្វឺនទទួលលទ្ធផលល្អ បញ្ចប់ដោយជោគជ័យទៅតាមកម្មវិធីដែលបានគ្រោងទុក និងការយកចិត្តទុកដាក់រវាងកងទ័ពនៃប្រទេសទាំងពីរផងដែរ ។
នេះជាការធ្វើឲ្យកងយោធពលខេមរភូមិន្ទនិងកងទ័ពរំដោះប្រជាជនចិន បង្កើនការទំនាក់ទំនងសហការគ្នា គ្រប់បែបយ៉ាងផ្លាស់ប្ដូរបទពិសោធន៍ពីគ្នាទៅវិញទៅមក ជាពិសេសធ្វើឲ្យចំណងសាមគ្គីភាពរបស់យោធិន កងយោធពលខេមរភូមិន្ទបង្កើនសមត្ថភាពយល់ដឹងមួយកម្រិតទៀត តាមរយះការហ្វឹកហ្វឺន អំពីគ្រឿងសព្វាវុធទំនើបៗ តាមបច្ចេកវិទ្យាយោធាទាន់សម័យនិងក្ដាប់បានអំពីយុទ្ធវិធីនានា ក្នុងការបំពេញបេសកម្មប្រឆាំងភេរវកម្ម និងមនុស្សធម៌ជាដើម»ដើម្បីអបអរសាទរខួបទី៦០ នៃការបង្កើតទំនាក់ទនងរវាងកាទូតកម្ពុជា និងចិន ដែលបានបង្ហាញពីការរីកចម្រើន គ្រប់វិស័យ ។
ជាចុងបញ្ចប់ សម្តេចពិជ័យសេនា ក៏បានថ្លែងការកោតសរសើរចំពោះភាពក្លាហានរបស់កងទ័ពនៃប្រទេសទាំងពីរដែលបានខិតខំអស់រយៈពេលពីរសប្តាហ៍មកនេះបានធ្វើឲ្យសមយុទ្ធរួមគ្នានេះទទួលបានលទ្ធផលល្អនិងជោគជ័យគួរឲ្យស្ងប់ស្ងែងផងដែរ និងបន្តការលើកកម្ពស់ សហប្រតិបត្តិការណ៍កងទ័ពប្រទេសទាំងពីរអោយកាន់តែប្រសើរឡើងថែមទៀត និងដើម្បីជំរុញលំហាត់នាគមាសនេះ ជាយន្តការដ៏សំខាន់មួយ ដែលជាមធ្យោបាយប្រាស័យទំនាក់ទំនងគ្នា សូមយកលទ្ធផលសម្រេចនាថ្ងៃនេះ ដូចជាបទពិសោធន៍រៀបចំលំហាត់ហ្វឹកហ្វឺនជាដៃគូរយោធាផែនការមកកម្ពុជាដែលមានប្រសិទ្ធ។
សូមជម្រាបថាកងពលតូចលេខ៧០ មានយុទ្ធជនចូលរួមហ្វឹកហាត់គឺកងរថពាសដែក ដែលមានទ័ពថ្មេីរជេីងមកពីវរសេនាតូចទ័ពពិសេស និង គាំទ្របាញ់កាំភ្លេីងត្បាល់ ៕ ដោយ ៖ បញ្ញាស័ក្តិ