សៀមរាប ៖ នគរបាលបង្ក្រាបគ្រឿងញៀន ឃាត់ខ្លួនស្ត្រីជាជនជាតិថៃម្នាក់ជួញដូរគ្រឿងញៀនឆ្លងដែន ជិត២គីឡូក្រាមនៅម៉ោង១០៖៤៥នាទី ថ្ងៃទី២៩ ខែមីនា ឆ្នាំ២០១៨ នាព្រលានយន្តហោះអន្តរជាតិសៀមរាប។
លោកឧត្តមសេនីយ៍ត្រី អ៊ុ អមរា ស្នងការរងនគរបាលខេត្តសៀមរាប ទទួលផែនបង្ក្រាបគ្រឿងញៀន បានឲ្យដឹងថា កងកម្លាំងនគរបាលជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប នគរបាលច្រកទ្វារអន្តរជាតិខេត្តសៀមរាប និងគយរដ្ឋាករ ច្រកទ្វារអន្តរជាតិខេត្តសៀមរាប មន្ទីរប្រឆាំងគ្រឿងញៀន សម្របសម្រួល ដោយព្រះរាជអាជ្ញារង អមសាលាដំបូងខេត្តសៀមរាប បានចាប់ជនសង្ស័យឈ្មោះ NOYSIM ភេទស្រី អាយុ២៣ឆ្នាំ ជាមួយនឹងថ្នាំញៀន១.៦៩២ក្រាម៕ ដោយ៖បញ្ញាស័ក្តិ
