អាមេរិកបានប្រគល់នាវាល្បាតល្បឿនលឿន Metal Shark ឲ្យវៀតណាមក្នុងដំណើរទស្សនកិច្ចដំបូងរបស់មេបញ្ជាការល្បាតសមុទ្រអាមេរិក ។
នាវាល្បាតប្រតិកម្មលឿន Metal Shark ដែលអាមេរិកប្រគល់ឲ្យវៀតណាម
មេបញ្ជាការកងល្បាតផ្លូវទឹកអាមេរិកនាយឧត្តមនាវិករង Fred M. Midgette កំពុងធ្វើទស្សនកិច្ចដំបូងមកកាន់វៀតណាម គប្បីដឹងថា កងកម្លាំងល្បាតរបស់អាមេរិក អូសបន្លាយពីផ្លូវសមុទ្រនៅអាមេរិកខាងជើង រហូតដល់ភាគខាងកើតទ្វីបអាហ្វ្រិក ក្រៅពីនាវាល្បឿនលឿនមួយគ្រឿង អាមេរិកនូវផ្តល់សម្ភារៈនិងបរិក្ខារមួយចំនួនទៀតឲ្យទៅគណៈបញ្ជាការប៉ូលិសតំបន់សមុទ្រលេខ ៤ នៅកោះត្រល់ ដែលវៀតណាមហៅថា Phu Quoc ។
សម្ភារៈបរិក្ខារដែលផ្តល់បន្ថែមរួមនឹងនាវាល្បាតប្រតិកម្មលឿនជំនាន់ថ្មី ៦គ្រឿងនោះ មានតម្លៃ ២០លានដុល្លារ ។
ឯកអគ្គរដ្ឋទូតអាមេរិកប្រចាំវៀតណាម Daniel Kritenbrink ថ្លែងថា ៖ “នាហេមន្តរដូវឆ្នាំនេះ យើងខ្ញុំមានគម្រោងបើកការដ្ឋានសាងសង់ឲ្យកងកម្លាំងប៉ូលិសលេខ ៣ នៅ វង់តាវ ហើយនេះពិតជាព័ត៌មានរីករាយដល់ចំណងប្រទេសទាំងពីរ។
ចំណងទាក់ទងទ្វេភាគីអាមេរិកវៀតណាម បានឆ្ពោះកាន់ទៅកាន់កម្រិតថ្មីមួយ ជាមួយប្រធានាធិបតីកំពុងកាន់អំណាចបានមកទស្សនកិច្ចនៅវៀតណាមថ្មីៗនេះ អតីតប្រធានាធិបតីបារ៉ាក់អូបាម៉ាក៏បានមកទស្សនកិច្ចនៅឆ្នាំ ២០១៦ ហើយមុននោះលោក Bill clinton ក៏បានមកទស្សនកិច្ចជាលើកដំបូងនៅប្រទេសនេះផងដែរ ។
មុននោះនាវាផ្ទុកយន្តហោះអាមេរិក USS Carl Vinson ក៏បានមកធ្វើទស្សនកិច្ចជាប្រវត្តិសាស្ត្រផងដែរ។៕ សូយន