ពលរដ្ឋអាមេរិកនៅបូរីញូយ៉ក ពិតជានឹកស្មានពុំដល់ថា ខ្លួនសំឡឹងឃើញមនុស្សម្នាក់មានរាងរៅមុខមាត់ដូចមេដឹកនាំកូរ៉េខាងជើង Kim Jong Un កំពុងដើរលេងតាមដងវិថីញូវយ៉ក។
តាម Newsweek ចាប់តាំងពីឡើងកាន់តំណែង មេដឹកនាំកូរ៉េខាងជើង Kim Jong Un ប្រឹងប្រែងលើកម្មវិធីផលិតអាវុធនុយក្លេអ៊ែរ និងកាំជ្រួចពុំឈប់ឈរ។
កូរ៉េខាងជើង នៅបានគំរាមកំហែងកំទេចអាមេរិកដោយ “ព្រនង់នុយក្លេអ៊ែរ” ប្រសិនបើបូរណភាពដែនដីរបស់ពួកគេ រងការគំរាមកំហែងនោះ។
ប្រការអ្វីនឹងកើតមាន ប្រសិនថ្ងៃណា១ មេដឹកនាំ Kim Jong Un បង្ហាញវត្តមាននៅតាមដងវិថីអាមេរិក ដែលមានចម្ងាយពីក្រុងព្យុងយ៉ាងរាប់ពាន់គីឡូ?
កាណែល Q Park លើ Youtube ថ្មីៗនេះបានប្រើប្រាស់អ្នកដើរតួជំនួសមេដឹកនាំកូរ៉េខាងជើង និងសហការី ធ្វើដំណើរកម្សាន្តតាមផ្លូវនៅបូរីញូវយ៉ក។
Kim Jong Un កំពុងដើរលើវិថីក្រុងញូវយ៉ក
ប្រការដែលគួរឲ្យភ្ញាក់ផ្អើលនោះ គឺពលរដ្ឋនៅបូរីញូវយ៉កព្រមទាំងភ្ញៀវទេសចរ ហាក់ដូចជាពុំបានដឹងថា វាជា “ល្បែងកម្សាន្ត” មួយនោះទេ។ ភាគច្រើនសម្តែងអាការៈស្រឡាំងពេលឃើញវត្តមាន Kim Jong Un លើមេដឹកនាំអាមេរិក។
ពលរដ្ឋអាមេរិកម្នាក់បង្ហាញអារម្មណ៍ពេលឃើញ Kim Jong Un ៖ “ព្រះអើយ! ខ្ញុំមានអារម្មណ៍ថា ត្រូវបានព្រះផ្តល់សំណាង។ ដៃរបស់គាត់ពិតជាទន់ល្មើយណាស់!”
មនុស្សខ្លះរំលឹកដល់រហស្សនាម “មនុស្សកាំជ្រួច” ដែលប្រធានាធិបតីអាមេរិក Donald Trump បានដាក់ឲ្យ។
អ្នកខ្លះទៀតថា ហេតុអ្វីមេដឹកនាំកូរ៉េខាងជើងមកធ្វើស្អីនៅអាមេរិក? “តើលោកជាមេដឹកនាំកំពូលរបស់កូរ៉េខាងជើង Kim Jong Un មែនទេ?។
Kim Jong Un បង្ហាញវត្តមាននៅអាគារ Trump
បន្ទាប់មក Kim Jong Un និងជំនួយការ សម្រេចចិត្តជិះរថភ្លើងក្រោមដីទៅកាន់អាគារ Trump នៅ Manchatas ។
បុរស “កូរ៉េខាងជើង” ទាំង២រូប បានឆ្ពោះទៅរកតុទទួលភ្ញៀវ ហើយសួរ ៖ “លោកមានឃើញលោក Donald Trump នៅទីនេះទេ?”។ សន្តិសុខក្នុងអាគារនេះ បង្ហាញនូវភាពប្រយ័ត្នប្រយែងហើយពោលថា “នេះជាព័ត៌មានសម្ងាត់!” ។
…ដល់វេលាថ្ងៃត្រង់ “ជនកូរ៉េខាងជើង” ទាំង២រូបបានទៅកាន់តំបន់ Koreatown កន្លែងដែលសម្បូរដោយពលរដ្ឋកូរ៉េខាងត្បូង។ បរិយាកាសនៅទីនេះ មានសភាពតានតឹង ព្រោះវត្តមានរបស់ “មេដឹកនាំកូរ៉េ Kim Jong Un បានសុខចិត្តថតរូបជាមួយអ្នកដើរតាមផ្លូវ។ នៅនាទីចុងក្រោយនៃ Clip អ្នកដើរតួជំនួស Kim Jong Un ពោលថា ៖ “ខ្ញុំចូលចិត្តតំបន់ Korea Town នេះ!” ។
មតិជាច្រើនបានលើកឡើងលើ YouTube ហើយមានខ្លឹមសារចំពោះខ្សែវីដេអូនេះ។ អ្នកខ្លះនិយាយថា មេដឹកនាំកូរ៉េខាងជើង គប្បីទស្សនាវីដេអូនេះ ហើយប្រញាប់មានផែនការមកអាមេរិកឲ្យបានឆាប់៕ ដោយ ៖ សូនយន
