តាកែវ ៖ អភិបាលខេត្តតាកែវត្រូវបានប្រកាសជាផ្លូវហើយ នៅរសៀលថ្ងៃទី ៣០ ខែមីនា ២០១៨នេះ នៅសាលមហោស្រពខេត្តតាកែវ ក្រោមអធិបតីភាពនាយករដ្ឋមន្ត្រីស្តីទី សម្តេច ក្រឡាហោម ស ខេង រដ្ឋមន្ត្រីក្រសួងមហាផ្ទៃ ។
នៅក្នុងពិធីប្រកាសមុខតំណែងអភិបាលខេត្តតាកែវថ្មីនេះដែរ សម្តេចក្រឡាហោម ស ខេង បានមានប្រសាសន៏ដល់ អភិបាលខេត្តថ្មីអនុវត្តតាម រួមមានចំនួន ៧ចំនុចសំខាន់ ទី១ ត្រូវខិតខំបន្តថែរក្សាការពារ និងពង្រឹងអោយបានគង់វង្ស នៅភូមិឃុំមានសុវត្តិភាព មានសុខសន្តិភាព អធិបតេយ្យជាតិភាព និងសន្ថេរភាពនយោបាយ ដែលជាលក្ខណ្ឌចំបង និងចាំបាច់ មិនអាចខ្វះបាន សម្រាប់គាំទ្រដល់កិច្ចដំណើរការ នៃលទ្ធធិប្រជាតិបតេយ្យសេរីពហុបក្ស និងការអភិវឌ្ឍន៏សេដ្ឋកិច្ចសង្គម ។
ទី២ គណៈបញ្ជាការឯកភាពគ្រប់លំដាប់ថ្នាក់ និងកងកំលាំងមានសមត្ថកិច្ចទាំងអស់ ត្រូវខិតខំរួមគ្នា ធ្វើអោយបាន នៅការបោះឆ្នោតជាតិមាតុភូមិតែមួយ ដែលនឹងប្រព្រឹត្តទៅនៅថ្ងៃទី ២៩ ខែកក្កដា ឆ្នាំ ២០១៨ នាពេលខាងមុខនេះ អោយដំណើរការប្រកបដោយ លក្ខណៈវិន័យ ត្រឹមត្រូវ យុទ្ធតិ្តធម៏ និងមានសុវត្តិភាព ដោយត្រូវរួមគ្នាគាំទ្រ និងចូលរួមអនុវត្តន៏ការងារនេះ ស្របតាមរយៈការបោះឆ្នោត ។ ទី៣ ត្រូវបន្តលើកកម្ពស់ ការរក្សាសន្តិសុខ សណ្តាប់ធ្នាប់ សាធារណៈនៅក្នុងសង្គម ដោយខិតខំពង្រឹងការដឹកនាំ និងការទទួលខុសត្រូវរបស់គណបញ្ជាការឯកភាពគ្រប់ថ្នាក់ និងកងកំលាំងមានសមត្ថកិច្ចទាំងអស់ លើការពង្រឹងលើការងារ ពង្រឹងវិន័យ ជំនាញវិជ្ជាជីវៈ និងក្រមសីលធម៏របស់មន្ត្រីរាជការ និងកងកំលាំងមានសមត្ថកិច្ច ដែលបំពេញការងារដោយផ្ទាល់ជាមួយនិងប្រជាពលរដ្ឋ សម្តៅលើការលើកកម្ពស់ អោយមានការចូលរួមពីប្រជាពលរដ្ឋគ្រប់មជ្ឈដ្ឋាន ក្នុងការអនុវត្តគោលនិយោបាយភូមិឃុំមានសុវត្តិភាព សម្តៅរួមគ្នាបង្ការនិងទប់ស្កាត់ បង្ក្រាប់បទល្មើសនានា នៅក្នុងសង្គមអោយកាន់តែមានស្ថេរភាពថែមទៀត ជាពិសេសបទល្លើស ឃាតកម្ម ហឹង្សា ចោលួច ឆក់ ប្លន់ និងគ្រឿញៀន ។ ទី៤ ចំពោះការអនុវត្តកំណែទម្រង់វិមជ្ឈការ និងសហវិមជ្ឈការ ដោយមានការតាំងចិត្ត លើកិច្ចខិតខំប្រឹងប្រែងរបស់ក្រសួង ស្ថាប័នរដ្ឋបាលថ្នាក់ក្រោមជាតិ និងអ្នកពាក់ព័ន្ធនានា ។ទី៥ ត្រូវបម្រើ និងផ្តល់សេវាជូនប្រជាពលរដ្ឋ ប្រកបដោយប្រសិទ្ធិភាពខ្ពស់ ។ទី៦ ត្រូវបង្កើរកិច្ចសហប្រតិបត្តិការ ត្រួតពិនិត្យ នៅតាមបណ្តាព្រំដែន ទប់ស្កាត់អំពើរត់គេចពន្ធ និងការជួលដីអោយទៅជនបរទេស និងលប់បំបាត់នៅច្រករបៀងណាដែលខុសច្បាប់ ។ ទី ៧ ថ្នាក់ដឹកនាំខេត្ត ត្រូវស្តាប់យោបល់ សហការី និងត្រូវស្តាប់តែបុគ្គលនោះឡើយ ។
សូមបញ្ជាក់ផងដែរថា ឯកឧត្តម នៅក្នុងប្រកាសតែងតាំងអភិបាលខេត្តតាកែវថ្មីនេះ គឺស្របតាម ព្រះរាជក្រឹត្ស នស/រកត/០៣១៨/៣៥២ ត្រាស់បង្គាប់ មាត្រា ១ ផ្ទេរភារកិច្ចលោក ឡាយ វណ្ណៈ ឋានន្តរស័ក្តឧត្តមមន្ត្រី ថ្នាក់លេខ ៤ ពីអភិបាលនៃគណៈអភិបាលខេត្តតាកែវ ឲ្យមកបម្រើការងារនៅទីស្តីការក្រសួងមហាផ្ទៃ ។ មាត្រា ២ តែងតាំងឯកឧត្តម អ៊ូច ភា ឋានន្តរស័ក្តឧត្តមមន្ត្រី ថ្នាក់លេខ ៦ ជាអភិបាល នៃគណៈអភិបាលខេត្តតាកែវថ្មី ៕ តាកែវ