នៅថ្ងៃទី ៣០ មីនា កាសែតអាសាហ៊ី របស់ជប៉ុន បានចុះផ្សាយព័ត៌មានពីជំនួបកំពូលរវាងមេដឹកនាំកូរ៉េខាងជើងគីម និងនាយករដ្ឋមន្ត្រី Shinzo Abe អាចប្រព្រឹត្តទៅនៅដើមខែមិថុនាខាងមុខ កាសែតនេះក៏បានឲ្យដឹងបន្ថែមថា ថ្មីៗនេះរដ្ឋាភិបាលកូរ៉េខាងជើង ទើបរាយការណ៍ឲ្យមជ្ឈដ្ឋានមន្ត្រីបក្សពលករកូរ៉េកំពូលៗ អំពីលទ្ធភាពនៃការប្រព្រឹត្តទៅនូវជំនួបមួយរវាងលោកគីម និងលោក Shinzo Abe ។
សន្និសីទកំពូលកូរ៉េខាងជើង និងជប៉ុនអាចប្រព្រឹត្តទៅនៅខែ មិថុនា ២០១៨ គេក៏បានដឹងថា មានឯកសារមួយរបស់បក្សពលករកូរ៉េ កំពុងត្រូវបានដាក់ឲ្យមជ្ឈិមបក្សប្រទេសនេះ រៀនសូត្រ ដោយគេធ្វើការស្ងើចសរសើរពីទេពកោសល្យការទូតរបស់លោកគីម និងលើកឡើងលំអិតអំពីមាគ៌ា គោលនយោបាយការទូត ដែលត្រូវបានអនុវត្តដោយឡែកៗពីគ្នាចំពោះកូរ៉េខាងត្បូង អាមេរិក ចិន ជប៉ុន ហើយនឹងរុស្ស៊ី ។ នេះជាលំដាប់លំដោយអាទិភាព ។
តាម Asahi វាយតម្លៃគឺ ៖ ក្នុងពេលដែលអាមេរិក ត្រូវបានកូរ៉េខាងជើងចាត់ទុកថា ជាប្រទេសតែមួយគត់អាចធនាសន្តិសុខដល់ពួកគេនោះ ជប៉ុនត្រូវបានចាត់ទុកជាប្រទេសតែមួយគត់អាចជួយគាំទ្រគួរឲ្យកត់សម្គាល់លើផ្នែកសេដ្ឋកិច្ច។
តាមគម្រោងនាយករដ្ឋមន្ត្រីជប៉ុន Shinzo Abe នឹងទៅកាន់ក្រុងវ៉ាស៊ីនតោននាខែក្រោយនេះ ដើម្បីជួបពិភាក្សាជាមួយប្រធានាធិបតីត្រាំ ជុំវិញលទ្ធភាពរៀបចំជំនួបជាមួយលោកគីម ។ បន្ទាប់មកជប៉ុន ចិន និងកូរ៉េខាងត្បូង និងរៀបចំសន្និសីទកំពូលត្រីភាគី សំដៅពិភាក្សាអំពីស្ថានការណ៍នៅឧបទ្វីបកូរ៉េនាអំឡុងខែឧសភា គួររំលឹកឡើងវិញថា ជំនួបមុននេះរវាងមេដឹកនាំកំពូល ជប៉ុន គឺលោក Koizumi ជាមួយអតីតមេដឹកនាំកូរ៉េខាងជើង Kim Jong il បានប្រព្រឹត្តទៅនៅឆ្នាំ ២០០៤ នារដ្ឋធានីព្យុងយ៉ាង ៕ សូយន
