កាលពីថ្ងៃសុក្រម្សិលមិញនេះ រុស្ស៊ីបានបន្តបណ្តេញអ្នកការទូតចំនួន ៥៩នាក់ និងប្រកាសថា ពួកគេមានសិទ្ធិធ្វើសកម្មភាពប្រឆាំងនឹងប្រទេស ៤ផ្សេងទៀត ក្នុងជម្លោះដែលកាន់តែវិវត្តន៍អាកាក្រក់ទៅជាមួយលោកខាងលិច ជុំវិញករណីបំពុលអតីតចារបុសរុស្ស៊ីនិងកូនស្រីរបស់លោកនៅអង់គ្លេស -នេះបើតាមរយទ័រ។
វិបត្តិការទូតរុស្ស៊ីបន្តបណ្តេញអ្នកការទូត ៥៩នាក់ មកប្រទេសចំនួន ២៣
រុស្ស៊ីឲ្យដឹងថា ពួកគេកំពុងឆ្លើយតបនឹងទង្វើបណ្តេញអ្នកការទូតដែលប្រទេសមួយចំនួនធំនៅលោកខាងលិច បានរួមដៃគ្នាជាមួយក្រុងឡុងនិងវ៉ាស៊ីនតោន ដាក់ទណ្ឌកម្មមកលើក្រុង មូស្គូជុំវិញករណីបំពុលខាងលើ។
មុននេះមួយថ្ងៃក្រុងមូស្គូ បានបណ្តេញអ្នកការទូតអាមេរិក ៦០នាក់ ហើយបិទទ្វារស្ថានអគ្គកុងស៊ុលអាមេរិក នៅទីក្រុង St Petersburg ដ៏លំដាប់ទី២របស់រុស្ស៊ី ក្នុងបរិបទមួយផ្សេងទៀត នៅថ្ងៃដដែលក្រសួងការបទេសរុស្ស៊ីបានប្រកាសប្រាប់អង់គ្លេសថា ៖ អង់គ្លេសមានរយៈពេល១ខែ ដើម្បីកាត់បន្ថយប្រតិភូការទូតរបស់ខ្លួននៅក្រុងមូស្គូឲ្យសល់ត្រឹមចំនួន ប្រតិភូការទូតរុស្ស៊ីនៅអង់គ្លេស ៕ សូយន