នារីម្នាក់នៅ San Luis Potosí បាននឹកឃើញវិធីដ៏លេចធ្លោមួយដើម្បីតាមប្រមាញ់ព្រាននារី ដែលបានធ្វើឲ្យនាង “ហើមពោះ” រួចគេចបាត់ស្រមោល ហើយថែមទាំងកាត់ផ្តាច់រាល់ខ្សែរយៈទំនាក់ទំនង។
នាងបានជួលផ្ទាំងប៉ាណូផ្សាយពាណិជ្ជកម្មមួយធំ ក្នុងនោះនាងបានបោះពុម្ពរូបថតបុរសម្នាក់ពាក់មួកអមដោយឈ្មោះពេញលេញ និងសារឯកជនមួយរបស់នាងសរសេរថា ៖ “តាមប្រមាញ់ ! Carlos Orozco ពិនិត្យគភ៌វិជ្ជមានអូនមានផ្ទៃពោះហើយ” នៅពីក្រោមនោះនាងសរសេរអក្សរតូចៗថា គាត់បានទប់ស្កាត់ខ្ញុំលើ facebook ហើយពុំទទួលទូរស័ព្ទរបស់ខ្ញុំ រួចសរសេរបន្ថែមក្នុងវង់ក្រចកថា ៖ “មិត្តរបស់បង ដូចដែលបងធ្លាប់ឧទ្ទេសនាមខ្ញុំចំពោះអ្នកទាំងឡាយ” តាមវិធីនេះ ប្រព័ន្ធព័ត៌មានសង្គម និងការចែករំលែករាប់ពាន់លើ facebook និង Twitter ធ្វើឲ្យព័ត៌មាននេះ ស្ថិតនៅលើទំព័រមុខសារព័ត៌មានធំៗ នៃបណ្តាប្រទេសអាមេរិកឡាទីន ។
នារីរូបនេះបានបញ្ជាក់បន្ថែមថា វាជាជម្រើសតែ១គត់ ដើម្បីផ្តល់ព័ត៌មានដល់ព្រាននារីដែលជាឪពុកក្មេងនេះដឹង ដោយសារតែគាត់បានទប់ស្កាត់រាល់ទំនាក់ទំនងជាមួយខ្ញុំ។
មនុស្សទាំងឡាយដែលឃើញបែបនេះ សុទ្ធសឹងវាយតម្លៃថា ជម្រើសផ្សាយពាណិជ្ជកម្មបែបនេះពិតជាកំប្លុកកំប្លែង ប៉ុន្តែវាពុំបានធ្វើឲ្យគេផ្ទុះសំណើច៕ ចន្ទ្រា