នៅថ្ងៃ ២៨ មីនា កន្លងទៅថ្មីៗនេះតុលាការថៃបានប្រកាសសាលក្រមកាត់ទោសប្រហារជីវិត ចំពោះឧក្រិដ្ឋជន ៦ រូប Surikfat Bannopwongsakul, 41 ឆ្នាំ, Prajak Boontoy, 36 ឆ្នាំ, Komsan Wiangnon, Abdulloh Doloh, 30 ឆ្នាំ, Tawatchai Boonkong, 37 ឆ្នាំ, និង Arun Thongkham, 29 ឆ្នាំ។
តាមកាសែតបាងកកប៉ុស្តិ៍ចុះផ្សាយឲ្យដឹងថា អំពើមនុស្សឃាតដ៏សាហាវនេះ បានកើតឡើងនៅរាត្រីមួយជិតមួយឆ្នាំមុន នាស្រុក Ao Luk ខេត្ត Kradi ប្រទេសថៃ បានធ្វើឲ្យគ្រួសារមួយមានសមាជិក ៨នាក់ បានស្លាប់យ៉ាងអណោចអធ័ម ប្រភពដដែលឲ្យដឹងថា នៅថ្ងៃនោះតាំងពីម៉ោង ១៦ បុរស៦នាក់ បានបិទមុខជិត បំពាក់ដោយអាវុធ បានធ្វើការសម្រុកចូល រួចចាប់មនុស្ស ១០នាក់ ក្នុងគ្រួសារលោក Worayut Sanglang ធ្វើជាចំណាប់ខ្មាំងរង់ចាំគាត់ត្រឡប់មកផ្ទះវិញ។
នៅវេលាម៉ោង ២០ថ្ងៃដដែល លោកWorayut បានមកដល់ផ្ទះហើយមានការភ័យតក់ស្លុតយ៉ាងខ្លាំងព្រោះឃើញបណ្តាសមាជិកក្នុងគ្រួសារសុទ្ធតែត្រូវចងដៃ និងបិទភ្នែក ។ បន្ទាប់មកលោកWorayut បានត្រូវក្រុមមនុស្សនោះចាប់បញ្ចូលទៅក្នុងបន្ទប់មួយដោយឡែក ដើម្បីជជែករឿងអ្វីមួយនោះតែពុំបានសម្រេច។
ដោយពុំមាននិយាយបន្ថែមមួយម៉ាត់ណា ក្រុមឧក្រិដ្ឋជនបានប្រើកាំភ្លើងបាញ់រះទៅលើលោកWorayut និងក្រុមគ្រួសារ។ មិនបាន ២នាទីផង មនុស្ស ៦នាក់ ក្នុងគ្រួសារត្រូវបានបាញ់សម្លាប់នៅនឹងកន្លែង។ មនុស្ស ៣នាក់ទៀត រងរបួសធ្ងន់ ក្នុងនោះមានស្ត្រីជាម្តាយ និងក្មេងតូច ២នាក់ ប៉ុន្តែមនុស្ស ២នាក់ ក៏បានស្លាប់ពេលបញ្ជូនទៅដល់មន្ទីរពេទ្យ។
សោកនាដកម្មគួរឲ្យតក់ស្លុតបានធ្វើឲ្យរញ្ជួយប្រទេសថៃក្នុងរយៈពេលមួយវែង ។
បន្ទាប់ពីបំបែកករណីនេះ ប៉ូលិសបានបញ្ជូនជនល្មើសនិងវត្ថុតាងទៅតុលាការ។ ទោសប្រហារជីវិតឧក្រិដ្ឋ ៦នាក់ បានត្រូវតុលាការថៃប្រកាស
សាច់ញាតិម្នាក់ឈ្មោះ Anchalee Booterb របស់ក្រុមគ្រួសារជនរងគ្រោះដែលសំណាងល្អនៅមានជីវិតនិយាយថា ៖ “យើងខ្ញុំពេញចិត្តនឹងសាលដីការបស់តុលាការ ។ ប៉ុន្តែទោះបីអ្នកទាំងនោះត្រូវប្រហារជីវិតក៏មិនអាចនាំយកមនុស្សជាទីស្រឡាញ់របស់យើងខ្ញុំមកវិញបានដែរ ៕ សូយន
