ប្រភពពី Reuter ឲ្យដឹងថា អភិបាលខេត្ត Chiang Mai, Pawin Chamniprasart អះអាងថា លោក Pim Kemasingki ដែលជាអ្នកនិពន្ធទស្សនាវដ្តី Chiang Mai Citylife បានបំពានក្រិតច្បាប់អំពីឧក្រិដ្ឋកម្មព័ត៌មានវិទ្យា ចំពោះទង្វើចែករំលែករូបភាព ។ លោក Pawin Chamniprasart បកស្រាយថា ៖ “ប៉ូលិសមានភារកិច្ចប្រមែរប្រមូលភ័ស្តុតាង” ។
អតីតព្រះមហាក្សត្រថៃ Bhumibol Adulyadej
ក្នុងលិខិតផ្ញើជូនប៉ូលិសភូមិន្ទជាតិថៃ មន្ត្រីរូបនេះសង្កត់ធ្ងន់ថា ព្រះមហាក្សត្រត្រូវបានគោរពបូជានៅ Chiang Mai ហេតុនេះ រូបភាព ៣ ដែលព្រះភ័ក្ត្រព្រះអង្គពាក់ម៉ាស់នោះបង្ហាញឲ្យឃើញនូវកាយវិការមិនគោរព។
លោក Pim ដែលជាជនជាតិថៃ មានសញ្ជាតិអង់គ្លេស រូបភាពអំពីបដិមាករ ៣ ដែលបង្ហាញឲ្យឃើញព្រះមហាក្សត្រថៃ បិទម៉ាស់ព្រះភ័ក្ត្រ ត្រូវបាន Post នៅលើគេសហទំព័រ facebook មួយមានឈ្មោះថា “សិទ្ធិត្រូវបានដកដង្ហើម” ហើយខ្លឹមសារក្នុងនោះគឺការរិះគន់ស្ថានភាពបរិយាកាសត្រូវបំពុល ពុំមែនមានបំណងប៉ះពាល់ដល់ព្រះមហាក្សត្រទេ ។ ព្រោះថា រយៈពេលថ្មីៗនេះ បរិស្ថានរស់នៅប្រទេសថៃ បានគ្របដណ្តប់ដោយបរិយាកាសបំពុលដ៏អាក្រក់បំផុតពុំធ្លាប់មាន។ លោក Pim បកស្រាយបន្ថែមថា ៖ ខ្ញុំចែករំលែករូបភាពនេះព្រោះគិតថា វាសុក្រិតនិងមានកម្លាំងខ្លាំងក្លា។ ច្រើនទសវត្សរ៍កន្លងមកខ្ញុំបានផ្សព្វផ្សាយកោតសរសើរទីក្រុង Chiang Mai ព្រោះតែខ្ញុំស្រឡាញ់វាណាស់… ពិតជាចម្លែកអ្វីម្លេះ ដែលសកម្មភាពតស៊ូសម្រាប់ពលរដ្ឋបែរជារងការចោទប្រកាន់បំពារបំពានទៅវិញ ។
សំណាងល្អដែរ ដែលលោក Pim ពុំរងការស៊ើបអង្កេតចំពោះទង្វើចោទប្រកាន់របស់អភិបាលក្រុងរូបនេះ ពុំនោះសោតជាមួយបទល្មើសនេះលោកអាចជាប់ពន្ធនាគារ ១៥ឆ្នាំប្រសិនបើគេចោទប្រកាន់ទោស៕