ខេត្តមណ្ឌលគិរី ៖ ជនជាតិឥស្លាម សញ្ជាតិវៀតណាមចំនួន ២៧នាក់ ត្រូវបានសមត្ថកិច្ចនគរបាលខេត្តមណ្ឌលគិរី ឃាត់ខ្លួនបញ្ជូនទៅកាន់ការិយាល័យជំនាញ នគរបាល នៃស្នងការខេត្ត មណ្ឌលគិរី កាលពីថ្ងៃទី៣១ ខែមីនា ឆ្នាំ២០១៨។
សមត្ថកិច្ចឲ្យដឹងថា ជនជាតិអ៊ីស្លាម សញ្ជាតិវៀតណាម ចំនួន២៧នាក់ ត្រូវបានសមត្ថកិច្ចនគរបាលខេត្តមណ្ឌលគិរី ឃាត់ខ្លួន បន្ទាប់ពីក្រុមជនជាតិ សញ្ជាតិវៀតណាម បានបន្លំឆ្លង់ដែនខុសច្បាប់មកទឹកដីកម្ពុជា។ សមត្ថកិច្ច ឲ្យដឹងទៀតថា មន្ត្រីសមត្ថកិច្ចជំនាញ និងបន្តធ្វើការស្រាវជ្រាវរកមេខ្លោង ដែលសម្រួលដល់ក្រុមនេះ ឲ្យមកកាន់ទឹកដី នៃខេត្តមណ្ឌលគិរីនេះ។
បច្ចុប្បន្នជនជាតិឥស្លាមសញ្ជាតិវៀតណាមទាំ ២៧នាក់ ត្រូវបានសមត្ថកិច្ចនគរបាល ខេត្តមណ្ឌលគិរី បញ្ជូនតាមរថយន្តឈ្នួល ពីខេត្តមណ្ឌលគិរី ទៅកាន់នាយកដ្ឋានអន្តោប្រវេសន៍ នៃក្រសួងមហាផ្ទៃ ដើម្បីចាត់ការតាមនីតិវិធីបន្ត៕ ដោយ៖ សមុទ្រឈើ