កូរ៉េខាងត្បូងបានចាត់ឲ្យនាវាប្រយុទ្ធប្រតិបត្តិការនៅតំបន់ក្រៅឆ្នេរសមុទ្រ Ghana បន្ទាប់ពីនាវិក ៣រូប របស់ប្រទេសនេះបានត្រូវពួកចោរសមុទ្រចាប់ជំរិត ។
នាវា Munmu the Great របស់កូរ៉េខាងត្បូង
នៅថ្ងៃទី ២៦ ខែមីនា នាវា Marine 711 បានត្រូវពួកចោរសមុទ្រឡោមព័ទ្ធ ខណៈពេលដែលនាវានេះមានដឹកជនជាតិ Ghana ៤០នាក់ និងនាវិកកូរ៉េខាងត្បូង ៣នាក់។ ពួកចោរសមុទ្របានចាប់ជនជាតិកូរ៉េខាងត្បូង ៣នាក់ រួចភៀសខ្លួនចេញទៅដោយប្រើនាវាល្បឿនលឿន ។ បច្ចុប្បន្នគេពុំទាន់ដឹងច្បាស់ពីទីតាំងរបស់ពួកវានៅឡើយទេ។ ចំណែកនាវាដែលមានចំណុះផ្ទុក ៥០០តោន ហើយចុះបញ្ជីនៅ Ghana នេះក្រោយមកក៏បានចូលចតនៅកំពង់ផែ Ghana ។
កងទ័ពកូរ៉េខាងត្បូងឲ្យដឹងថា ពួកចោរសមុទ្រ គឺជាជនជាតិ Nigeria ។ Munmu the Great ជានាវាប្រយុទ្ធរបស់កូរ៉េខាងត្បូងត្រូវបានចាត់ទៅប្រតិបត្តិការនៅតំបន់សមុទ្រជិតនោះ ។
ក្រសួងការបរទេសកូរ៉េខាងត្បូង កាលពីយប់ថ្ងៃទី ១ ខែមេសា បានប្រកាសថា ៖ យើងខ្ញុំកំពុងសហប្រតិបត្តិការយ៉ាងជិតស្និទ្ធជាមួយបណ្តាប្រទេសក្នុងតំបន់ដូចជា Ghana, Nigeria, Togo និង Benin ក៏ដូចជាអាមេរិក និងសហគមន៍អឺរ៉ុប ដើម្បីសន្និដ្ឋានពីពលរដ្ឋកំពុងត្រូវបានចាប់ជំរិត ហើយធនាថា ពួកគេនឹងត្រូវបានដោះលែង ។
ពួកចោរសមុទ្រនៅពុំទាន់ឃើញមានការទាមទារថ្នូអ្វីមួយដើម្បីប្តូរយកនាវិក ៣រូប ខាងលើនៅឡើយទេ ៕ សូយន