នាវាមុជទឹក USS South Dakota របស់អាមេរិក នឹងត្រូវបានដាក់ឲ្យប្រតិបត្តិការក្នុងអំឡុងពេលខ្លីខាងមុខ ហើយវាត្រូវបានចាត់ទុកជាសន្លឹកបៀរយុទ្ធសាស្ត្របំពេញចូលក្នុងកងនាវាប្រយុទ្ធក្នុងកូរ៉េខាងត្បូង -នេះតាម Daily Star។ វាត្រូវបានចាត់ទុកជាការចាំបាច់ដើម្បីប្រដៅដល់ក្រុងព្យុងយ៉ាងផងដែរ។
នាវាមុជទឹក USS South Dakota មានតម្លៃ ២,៧ប៊ីលានដុល្លារ ហើយជានាវាមុជទឹកវាយលុកនុយក្លេអ៊ែរទំនើបបំផុតបច្ចុប្បន្នរបស់យោធាជើងទឹកអាមេរិក។ វាមានបណ្តោយប្រវែង១២០ម៉ែត្រ និងទំងន់ 7.800តោន នាវានេះសង្ឃឹមថា នឹងធ្វើឲ្យមានការប្រែប្រួលស្ថានការណ៍សឹកនៅឧបទ្វីបកូរ៉េប្រសិនបើសង្គ្រាមផ្ទុះឡើង។
នាវាទំនើបបំផុតរបស់អាមេរិក
អ្នកនាំពាក្យយោធាជើងទឹកអាមេរិក Virginia និយាយថា នាវាមុជទឹកនេះមានប្រព័ន្ធស៊ើបការដ៏ទំនើបជាងនាវាមុជទឹកណាៗទាំងអស់លើពិភពលោក។ លោក Clark និយាយថា នាវាមុជទឹកជួយបង្កើនសមត្ថភាពរបស់យោធាអាមេរិក ។ ហើយធានាដល់ការត្រួតត្រាបាតសមុទ្រយ៉ាងតិច៥០ឆ្នាំខាងមុខទៀត។
នាវាអាចប្រតិបត្តិការបាន៣៣ឆ្នាំ ដោយពុំតម្រូវបន្ថែមឥន្ធនៈ
នាវា USS South Dakota ប្រើប្រាស់ថាមពលនុយក្លេអ៊ែរ បំពាក់ដោយបច្ចេកវិទ្យាបំបាំងកាយថ្មីបំផុតរួមនឹងប្រព័ន្ធអាវុធដ៏ទំនើប វាអាចប្រតិបត្តិការបានទាំងតំបន់ទឹកជ្រៅ និងទាំងនៅតំបន់ក្បែរឆ្នេរ ។ នាវានេះអាចមុជចុះជម្រៅ ២៤៤ម៉ែត្រ ហើយកងនាវិករួមមាន១៣៤នាក់។
នាវា USS South Dakota អាចរត់ក្នុងល្បឿនអតិប្បរមា ៤៦គីឡូម៉ែត/១ម៉ោងពេលនៅលើទឹក ឬ ៥៩គីឡូម៉ែត្រ ពេលមុជក្នុងទឹក។ នាវានេះអាចធ្វើសកម្មភាពពុំឈប់ឈរក្នុងរយៈ៣៣ឆ្នាំ ដោយពុំតំរូវឲ្យបំពេញឥន្ធនៈ។
អាវុធសំខាន់ៗរបស់នាវានេះរួមមានបំពង់បង្ហោះកាំជ្រួចចំនួន១២ ដែលបំពាក់ដោយគ្រាប់កាំជ្រួចមានកម្មវិធីនាំផ្លូវ Tomahawk ។ ក្រៅពីនោះនាវានេះនៅមានបំពង់បាញ់គ្រាប់មីន៤ប្រភេទ ៥៣៣មីលីម៉ែត្រ ដែលអាចប្រើប្រាស់បានទាំងប្រភេទគ្រាប់បែកធន់ធ្ងន់ Mk48 ឬកាំជ្រួចប្រឆាំងនាវា Harpoon៕ ដោយ៖ សូយន
