សង្គ្រាមពាណិជ្ជកម្មរវាងអាមេរិក និងចិនបានឈានដល់ការអនុវត្តន៍ជាក់ស្តែង។ នៅថ្ងៃអាទិត្យ ទី២ មេសានេះ ចិនបានសម្រេចដំឡើងពន្ធលើផលិផលអាមរិកចំនួន ១២៨មុខដែលនាំចូលប្រទេសចិន មានតាំងពីបន្លែផ្លែឈើរហូតដល់សាច់ជ្រូក។ វិធានការជាក់ស្តែងរបស់ចិនពេលនេះ គឺដើម្បីឆ្លើយតបនឹងលោកប្រធានាធិបតីអាមេរិកដូណាល់ ត្រាំដែលសម្រេចដំឡើងពន្ធលើផលិតផលដែកថែប និងអាលុយមីញ៉ូមចិននាំចូលអាមេរិក។
នៅក្នុងផលិតផលទាំង ១២៨មុខនេះ ចិននឹងដំឡើងពន្ធបន្ថែមពី ១៥% ទៅ ២៥%។វិធានការជាក់ស្តែងរបស់ចិនពេលនេះ គឺដើម្បីឆ្លើយតបនឹងលោកប្រធានាធិបតីអាមេរិកដូណាល់ ត្រាំដែលសម្រេចដំឡើងពន្ធលើផលិតផលដែកថែប និងអាលុយមីញ៉ូមចិននាំចូលអាមេរិក។លោកដូណាល់ ត្រាំបានលើកយកហេតុផលសន្តិសុខជាតិដើម្បីបញ្ជាក់ពីការសម្រេចចិត្តរបស់លោក។ តែក្រសួងពាណិជ្ជកម្មចិនបាន ប្រកាសព័ត៌មាន ចេញផ្សាយថ្ងៃចន្ទ ទី២ មេសានេះថា ទង្វើរបស់លោកត្រាំរបៀបនេះជាការរំលោភបំពានលើច្បាប់ពាណិជ្ជកម្មអន្តរជាតិដែលមានចែងនៅក្នុងអង្គការពាណិជ្ជកម្មពិភពលោក។
ក្រសួងពាណិជ្ជកម្មចិនសង្ឃឹមថា អាមេរិកនឹងបោះបង់ចោលនូវវិធានការរបស់ខ្លួនដែលរំលោភច្បាប់អង្គការពាណិជ្ជកម្មពិភពលោកដើម្បីអនុញ្ញាតឲ្យទំនាក់ទំនងពាណិជ្ជកម្មរវាងអាមេរិក និងចិនត្រឡប់មករកភាពប្រក្រតីឡើងវិញ។
គួររម្លឹកជូនថានៅដើមខែមីនាកន្លងទៅ លោកដូណាល់ ត្រាំបានប្រកាសដំឡើងពន្ធលើផលិតផលដែកថែបពីប្រទេសខ្លះនាំចូលអាមេរិកចំនួន ២៥% និងអាលុយមីញ៉ូមចំនួន ១០%។ តែនៅចំពោះមុខប្រតិកម្មតប ត ខ្លាំងៗរបស់ប្រទេសពាក់ព័ន្ធ ពិសេសប្រទេសអឺរ៉ុប លោកដូណាល់ ត្រាំក៏បានលុបចោលចំពោះប្រទេសខ្លះវិញ តែគ្មានប្រទេសចិនទេ៕
