ក្នុងវប្បធម៌នៅប្រទេសស្ទើរតែទាំងអស់ ការរៀបការគឺជាថ្ងៃដ៏ពិសេស និងគួរឲ្យរីករាយបំផុត ប៉ុន្តែមិនមែនមនុស្សម្នាក់ៗសុទ្ធតែមានថ្ងៃនោះទាំងអស់នោះទេ ពោលបុរសជនជាតិចិនម្នាក់ បានបរាជ័យក្នុងការស្វែងរកស្នេហាអស់រយៈពេល ៦ឆ្នាំ ហើយចុងបញ្ចប់គាត់ក៏សម្រេចចិត្តរៀបការជាមួយតុក្កតាស៊ិច (Sex robot)។
ម្តាយរបស់គាត់ មិនមានភាពរីករាយសោះ ព្រោះគាត់ដឹងថា អនាគតកូនប្រសាររបស់គាត់គឺជាតុក្កតា ដែលផលិតឡើងដោយកូនប្រុសរបស់គាត់។
លោក Zheng Jiajia អាយុ ៣១ឆ្នាំ គឺជាអ្នកច្នៃម៉ូត និងអ្នកគ្រប់គ្រងកម្មវិធីបញ្ជារ៉ូបូត (Robot)។គាត់បរាជ័យក្នុងការស្វែងរកស្នេហាពិតអស់រយៈពេល ៦ឆ្នាំមកហើយ។ នារីដែលគាត់ធ្លាប់មានទំនាក់ទំនងជាមួយគឺបានត្រឹមតែរយៈពេលខ្លីប៉ុណ្ណោះ។ ចុងក្រោយគាត់ក៏បានប្រើជំនាញ និងបេះដូងឯការបស់គាត់បញ្ជូលគ្នា ដើម្បីផលិតប្រពន្ធដ៏ល្អឥតខ្ជោះមួយសំរាប់ខ្លួនឯង។
ប្រពន្ធដែលគាត់បានផលិតដោយផ្ទាល់ដៃនោះមានឈ្មោះថា អ៊ីងអ៊ីង (Yingying)។ នាងអាចស្គាល់អក្សរចិន និងរូបភាពផងដែរ ហើយនាងក៏អាចនិយាយបានពាក្យមួយចំនួនផងដែរ តែមិនទាន់អាចដើរបាននៅឡើយទេ។ ដូច្នេះ នៅក្នុងវិធីមង្គលការ លោក Zheng បានបីនាង។
លោក Zheng ក៏មានគំរោង Update កូនក្រមុំរបស់គាត់ផងដែរ ដូច្នេះនាងអាចជួយធ្វើកិច្ចការផ្ទះ និងដើរជុំវិញផ្ទះបាន៕ សុភ័ក្ត្រ
