ផឹកស្រាដើម្បីបង្កើនសេចក្តីក្លាហានបំណងលោតចុះពីជាន់ទី២៩ បញ្ចប់ជីវិតខ្លួន តែបុរសរូបនេះ បែរជាស្រវឹងជ្រុលដេកភ្លេចលើរបាំង។
បុរសនេះមានបំណងធ្វើអត្តឃាតតែដល់ស្រវឹងដេកលក់យ៉ាងស្កប់ស្កល់ក្បែររបាំងជញ្ជាំងជាន់លើបង្អស់។
កាលពីថ្ងៃ ២៩ ខែមីនា ប៉ូលិសនៅទីក្រុង ស៊ីអាន ខេត្តសានចាយ ប្រទេសចិន ទទួលបានទូរស័ព្ទមួយរាយការណ៍ប្រាប់ថា មានបុរសម្នាក់ប៉ុនប៉ងធ្វើអត្តឃាតពីលើដំបូលអគារកម្ពស់ ២៩ជាន់មួយ ។
តាម Shanghaiist ពេលប៉ូលិសទៅដល់កន្លែងកើតហេតុក៏សម្លឹងឃើញបុរសម្នាក់កំពុងដេកលក់ស្កប់ស្កល់ខាងលើជញ្ជាំង ។ ប្រសិនបើមានការពញាក់មួយនោះបុរសនេះនឹងអាចធ្លាក់ចុះទៅដីពីរយៈកម្ពស់ ១០០ម៉ែត្រ ភ្លាម ។
បុរសនេះដេកលក់ស្កប់ស្កល់គ្មានកម្រើកអ្វីបន្តិច ការដែលបុរសនេះដេកលក់បែបនេះបង្កលក្ខណៈដល់ភ្នាក់ងារសង្គ្រោះអាចចូលកៀកពីទិសដៅសងខាង ។ យ៉ាងតិចមានភ្នាក់ងារសង្គ្រោះ៤នាក់ បានសង្គ្រោះផ្ទាល់បុរសនោះ បានយ៉ាងសុវត្ថិភាព។
ប៉ូលិសអគ្គិភ័យធ្វើកាសង្គ្រោះសែងបុរសនេះមកក្រោម តាមប្រព័ន្ធផ្សព្វផ្សាយនៅតំបន់ឲ្យដឹងថា បុរសនេះបានជួបរឿងអាក្រក់មួយចំនួនក្នុងជីវិតឯកជនធ្វើឲ្យបាក់ស្មារតី។ បន្ទាប់ពីផឹកស្រាបៀរអស់ប៉ុន្មានដបមក គាត់ក៏ឡើងទៅលើដំបូលអគារដោយប៉ងលោតចុះក្រោម ប៉ុន្តែដោយស្រវឹងខ្លាំងពេក ទើបដេកភ្លេចបែបនេះ៕ លីសា
